საქართველოს 21-წლამდე ნაკრებმა ფარერებთან ევროშესარჩევი მატჩის მოგების შემდეგ მზადება ჩვეულ რეჟიმში გააგრძელა. გია ცეცაძის გუნდი უკვე დანიასთან შესახვედრად ემზადება. ფარერების დარად, ეს მატჩიც გორში, თენგიზ ბურჯანაძის სახელობის სტადიონზე გაიმართება. დასაწყისი 17:00 საათზე, დასწრება თავისუფალია.

ჩვენს ნაკრებში ყველა ფეხბურთელი ჯანმრთელადაა და ხვალინდელი თამაშისთვის მზადყოფნაშია. ბოლო ვარჯიში ნაკრებმა თბილისის ზღვაზე, სკ ზესტაფონის ბაზაზე ჩაატარა და ძირითადად ტაქტიკური მონახაზის დამუშავებას დაუთმო.

შეგახსენებთ, რომ დანია 12 ქულით შესარჩევი ჯგუფის ლიდერია, საქართველო კი 7 ქულით მესამეზეა.

GFF.GE