“სოსიედადმა” მთავარი მწვრთნელი ეუსებიო საკრისტანი პოსტიდან გაათავისუფლა. ამის მიზეზი ცუდი შედეგებია: გუნდმა ლა ლიგის სეზონი კარგად დაიწყო, თუმცა ახლა მე-15 ადგილზეა.
ეუსებიო 2015 წლის ნოემბრიდან წვრთნიდა “სოსიედადს” და შარშან მეექვსე ადგილზე გაიყვანა.
სეზონის ბოლომდე გუნდს უთავკაცებს იმანოლ ალგუასილი, რომელიც “სოსიედადის” მეორე გუნდს წვრთნიდა.
ამასთან, კლუბის სპორტული დირექტორის პოსტი ვაკანტური გახდა: ლორენსო ხუაროსი გაათავისუფლეს.
