ლონდონის “ტოტენჰემის” თავდამსხმელი ჰარი კეინი ტრავმირებულია. 24 წლის ინგლისელმა ფორვარდმა “ბორნმუთთან” შეხვედრაში კოჭი დაიზიანა და როგორც ჩანს, ყველაფერი სერიოზულადაა.
კეინი პირველ ტაიმში მეკარე ასმირ ბეგოვიჩს შეეჯახა და ტრავმაც ამ ეპიზოდში მიიღო. ჯერჯერობით უცნობია ზუსტად რა დრო გაუცდება ჰარის, მაგრამ როგორც წინასწარმა გამოკვლევამ აჩვენა, დაზიანების ხარისხი საკმაოდ მძიმეა. შესაძლოა, კეინმა მსოფლიოს ჩემპიონატზეც ვერ ითამაშოს.
თუ ასე მოხდა, ეს უდიდესი დანაკლისი იქნება ინგლისის ნაკრებისთვის, რადგან კეინი დღეს თავის პოზიციაზე ერთ-ერთი საუკეთესოა.
ინგლისელმა თავდამსხმელმა მიმდინარე სეზონში ყველა ტურნირის ჩათვლით 35 გოლის გატანა მოახერხა.
