ყოფილმა ფეხბურთელმა, ამჯერად კი მსახიობმა ვინი ჯონსმა განაცხადა, რომ ჯეიმი კარაგერი მშიშარაა და საფეხბურთო სფეროში არაფერი ესაქმება.
კარაგერი “ლივერპულის” ლეგენდაა, ამჟამად კი Sky Sports-ის ექსპერტი გახლავთ, საიდანაც გათავისუფლება ემუქრება. რატომ? კარაგერმა “მანჩესტერ იუნაიტედის” გულშემატკივარსა და მის 14 წლის ქალიშვილს შეაფურთხა.
“უცნაურია, რომ იმ პიროვნებამ კარაგერს ეს მოქმედება შეარჩინა. მეგონა, მანქანიდან გადმოაგდებდა კარაგერს და სხვაგვარად მოექცეოდა. ჩემს ქალიშვილს რომ ვინმემ შეაფურთხოს, ეს უბრალოდ არ ჩაივლის. კარაგერს საფეხბურთო სფეროში არაფერი ესაქმება. ის უნდა წავიდეს” – ამბობს უელსელი ჯონსი.