“ლივერპულმა” სამი კვირის ისეთი უპირატესობა შეიქმნა, “ენფილდ როუდზე” გასამართ შეხვედრას აზრი დაეკარგა. თავად განსაჯეთ, იურგენ კლოპმა თვით მოჰამედ სალაჰი ძირითად შემადგენლობაში არ გაამწესა და აქედანაც ნათლად ჩანდა, რომ “წითლების” ეს უბრალო ფორმალობა, ვარჯიში იყო.

ასეც მოხდა. გუნდებს დიდად თავი არ შეუწუხებიათ და 90 წუთი ბურთის აქეთ-იქეთ გორაობაში მოკლეს. ეს გასაგებიც იყო – ძალების დაზოგვა ორივე გუნდს სჭირდებოდა, რადგან შიდა ჩემპიონატში თავისი მიზნები ამოძრავებთ და ბუნებრივია, არაფრის მომცველ მატჩში ენერგის დახარჯვა მაინც და მაინც, სასიამოვნო არ იქნებოდა.

ერთი ვთქვათ, რომ იკერ კასილიასმა ჩემპიონთა ლიგაზე 56-ე მშრალი მატჩი ჩაატარა და ეს ტურნირის ისტორიაში საუკეთესო შედეგია. “ლივერპული” კი მეოთხედფინალში თავის მეტოქეს მშვიდად დაელოდება. საგულისხმოა, რომ “წითლები” ამ ეტაპზე 2008-2009 წლების სეზონის შემდეგ პირველად ითამაშებენ.

“ლივერპული” – “პორტუ” 0:0 (0:0) – ორი მატჩის ჯამში: 5:0 VIDEO

ლივერპული, “ენფილდ როუდი”

მაყურებელი: 48 768

“ლივერპული” (4-3-3): კარიუსი; გომესი, მატიპი, ლოვრენი, მორენო; ემრე ჯანი (კლავანი 80), ჰენდერსონი, მილნერი; მანე (სალაჰი 74), ფირმინო (ინგსი 62), ლალანა

მწვრთნელი: იურგენ კლოპი

“პორტუ” (4-4-2): კასილიასი; მაქსი პერეირა, ფელიპე, რეიესი, დალო; ბრუნო კოსტა, ოლივერ ტორესი, ანდრე ანდრე (ოლივეირა 62), კორონა; აბუბაკარი (პასიენსია 80), ვარისი (რიკარდო პერეირა 68)

მწვრთნელი: სერჟიუ კონსეისაუ

გაფრთხილება: ჰენდერსონი (59) – ანდრე ანდრე (34), დალო (90)

სტატისტიკა – კარისკენ დარტყმები: 10 (5) – 7 (1) ბურთის ფლობა: 62%-38% კუთხურები: 1:3 თამაშგარე: 5:1

მსაჯი: ფელიქს ცვაიერი