ავტოსპორტი

0:15 | 3.03.2018 | ნანახია 751 - ჯერ

ჰამილტონი: 2018 წლის მერსედესი შარშანდელზე აშკარად სწრაფია

ლუის ჰამილრონი ამბობს, რომ „მერსედესის“ ფორმულა 1-ის ახალი მანქანა, წინამორბედთან შედარებით, აშკარად სწრაფია. მან ეს ტრასაზეც დაადასტურა - ბარსელონას წინასასეზონო ტესტების პირველი სერიის ბოლოს, საუკეთესო დრო სწორედ მან დააფიქსირა. მსოფლიოს ოთხგზის ჩემპიონმა მონტმელოს წრე წუთსა და 19.333 წამში გაიარა.

ახალ W09-სთან დაკავშირებით, საკუთარ შთაბეჭდილებებზე საუბრისას, ჰამილტონმა განაცხადა, რომ მის შეფასებაში ხელს ტრეკის ახალი საფარი და უფრო ეფექტური საბურავები უშლის, რადგან ეს ორი ფაქტორი, სისწრაფის გაზრდას უწყობს ხელს. ამიტომ, წინა მოდელთან უშუალო შედარება გაუჭირდება. და მაინც, ჩემპიონი თვლის, რომ ახალი მანქანა უფრო სწრაფია.

„ეს შარშანდელი მანქანის ევოლუციური ვერსიაა, გვაქვს ახალი საბურავები. აქ კი ახალი გზის საფარი დაგვხვდა. ამ ყველაფრის გამო, შესაძლოა შთაბეჭდილება იმაზე უკეთესიც მაქვს, ვიდრე რეალობაა. ჯერჯერობით ყველაფერი კარგადაა. საერთოდ, ტესტები არ მიყვარს, მაგრამ დღეს ძალიან მინდოდა გამოსვლა, რადგან აქამდე ცოტა წრე გვქონდა გავლილი. ძნელი სათქმელია, მანქანა მართლა ასე კარგია, თუ ამ გაუმჯობესებაში ტრასისა და საბურავების წილიცაა. შემდეგ ტესტებზე უკეთ გავიგებთ. და მაინც, აშკარად იგრძნობა, რომ მანქანა წინამორბედზე სწრაფია“, - ამბობს ჰამილტონი.

ჩემპიონმა ჯამში 94 კილომეტრი გაიარა, რაც ბევრი არაა, ეს კი მეტწილად უამინდობის დამსახურებაა - ტესტების დროს, ბარსელონში ხან წვიმდა და ერთხელ ტრასა თოვლითაც დაიფარა. ხუთშაბათამდე ბრიტანელ პილოტს მხოლოდ 25 წრე ჰქონდა გავლილი.

Loading...

კომენტარები (3)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
16:01 | 03.03.2018
UX TA TA TA (10)

კომენტარი დაბლოკილია ცენზურის დაუცველობის გამო!

13:35 | 03.03.2018
Oops! (12)

კომენტარი დაბლოკილია ცენზურის დაუცველობის გამო!

11:20 | 03.03.2018
IMIROMTOM (11)

კომენტარი დაბლოკილია ცენზურის დაუცველობის გამო!

სარეკლამო ადგილი - 9
250 x 250
სარეკლამო ადგილი - 20
250 x 188
სარეკლამო ადგილი - 22
250 x 250
0.073224