ფეხბურთი

17:30 | 28.02.2018 | ნანახია [] - ჯერ

მეკარე, რომელმაც გოლი წყლის დალევისას გაუშვა, ბოთლს აუქციონზე ყიდის

გერმანიის მეორე ბუნდესლიგის ბინადარ “დუისბურგის” მეკარე მარკ ფლეკენი გასულ უიქ-ენდზე გაშვებული გოლით ერთობ პოპულარული გახდა. გერმანელმა კიპერმა “ინგოლშტადტისგან” უცნაური გოლი გაუშვა – წყალს სვამდა, რა დროსაც მეტოქემ დაუცველ კარში შეაგორა ბურთი (VIDEO).

აღნიშნული ფაქტი რა თქმა უნდა, უმალვე მთელ მსოფლიოს მოედო და ფლეკენმა საინტერესო გადაწყვეტილება მიიღო.

“დუისბურგის” მეკარე ბოთლს, საიდანაც წყალს სვამდა, აუქციონზე გაყიდის, ხოლო შემოსული თანხით ბავშვებს დაეხმარება:

“მე ამ ბოთლში რამდენიმე ისტორია დავწერე და ახლა მინდა დავეხმარო “ზებრაკიდსს”, - განაცხადა ფლეკენმა.

“ზებრაკიდსი” – ეს გახლავთ ორგანიზაცია, რომელსაც “დუისბურგის” საშინაო მატჩებზე მზუნველობამოკლებული ბავშვები დაჰყავს მატჩების საყურებლად.

0.14096