გამთენიისას ნაციონალური საკალათბურთო ასოციაციის ოთხი შეხვედრა გაიმართა.
“ტორონტომ” შინ “კლივლენდი” 133:99 გაანადგურა. კანადელები მატჩის სტარტზევე დაწინაურდნენ და მთელი შეხვედრის განმავლობაში სხვაობას ზრდიდნენ. “კლივლენდში” 26 ქულით ლებრონ ჯეიმსი გამოირჩა, რომელსაც ვერც ერთმა თანაგუნდელმა მხარი ვერ აუბა, ტორონტოელებმა კი გუნდური კალათბურთი ითამაშეს - შვიდმა კალათბურთელმა მინიმუმ 12 და მეტი ქულა ჩააგდო, მათ შორის 22 ქულით საუკეთესო ვანვლეტი იყო. ამ გამარჯვებით “ტორონტომ” “კლივლენდს” გადაასწრო და აღმოსავლეთ კონფერენციაში მეორე ადგილზე გადაინაცვლა.
“ლეიკერსმა” საკუთარ დარბაზში “სან ანტონიო” 93:81 დაამარცხა. ლოს ანჯელესელები მესამე პერიოდის ბოლოს დაწინაურდნენ და მატჩის ბოლომდე უპირატესობა არ დაუთმიათ. მატჩში ყველაზე მეტი 26 ქულა ქულა ინგრამმა ჩააგდო, “სან ანტონიოში” 20 ქულით ლამარკუს ოლდრიჯი გამოირჩა.
“ფილადელფია” – “ბოსტონი” 103:114 (28:23, 29:25, 22:37, 24:29)
https://www.youtube.com/watch?v=WC9upE8Hjps
“ტორონტო” – “კლივლენდი” 133:99 (30:24, 35:16, 35:32, 33:27)
https://www.youtube.com/watch?v=m5ibaYmnr4A
“საკრამენტო” – “კლიპრსი” 115:121 (21:29, 39:43, 29:28, 26:21)
https://www.youtube.com/watch?v=IfhmNxDVQAE
“ლეიკერსი” – “სან ანტონიო” 93:81 (20:15, 29:23, 19:24, 25:19)