“მანჩესტერ იუნაიტედის” ფორვარდმა ზლატან იბრაჰიმოვიჩმა, შესაძლოა, ინგლისური კლუბი კონტრაქტით გათვალისწინებულ ვადაზე ადრე დატოვოს.

36 წლის ფეხბურთელს მანჩესტერელებთან ხელშეკრულება მიმდინარე სეზონის ბოლომდე აკავშირებს, თუმცა როგორც Yahoo Sports-ი იტყობინება, შვედმა თავდამსხმელმა სარფიანი წინადადებები მიიღო ამერიკიდან და ჩინეთიდან, სადაც სეზონი მარტში იწყება.

მიუხედავად იმისა, რომ “მანჩესტერ იუნაიტედს” იბრაჰიმოვიჩთან განშორება არ სურს, წყაროს ინფორმაციით, დიდია ალბათობა, ის გაზაფხულზე სხვა კლუბში ვიხილოთ.