ფრანგული “პარი სენ ჟერმენის” თავდამსხმელი ნეიმარი მთავარ მწვრთნელ უნაი ემერის უპირისპირდება. L’Equipe-ს ინფორმაციით, ბრაზილიელი ვარსკვლავი ძალზე უკმაყოფილოა ესპანელი სპეციალისტის ვარჯიშებით და მისი მოთხოვნებით.
მეტიც, ნეიმარმა უკვე რამდენჯერმე უარი განაცხადა ვარჯიშზე ემერისგან მიღებული დავალების შესრულებაზე.
შეგახსენებთ, სამხრეთამერიკელი პსჟ-ს გასულ ზაფხულს ფეხბურთის ისტორიაში სარეკორდო თანხის სანაცვლოდ შეუერთდა. უნაი ემერი კი პარიზულ გუნდს სათავეში 2016 წლიდან მოყოლებული უდგას.
