ფრანგული “პარი სენ ჟერმენის” თავდამსხმელმა კილიან მბაპემ მის თანაგუნდელებზე ნეიმარზე და ედინსონ კავანიზე ისაუბრა და თქვა, რომ მათთან საერთო ენა ადვილად გამონახა.
“ჩემთვის ნეიმარი უფროსი ძმაა. მან პსჟ სხვა დონეზე აიყვანა. მოხარული ვარ, რომ ის ჩემს გუნდში თამაშობს. კავანი? ის იდეალური პარტნიორია. მუდმივად მოძრაობს, კარგად იხსნება. კავანი ნამდვილი გოლეადორია, პროფესიონალი და კარგი ადამიანი. ის ერთ-ერთი საუკეთესო თავდამსხმელია მსოფლიოში”. მათთან საერთო ენის გამონახვა არ გამჭირვებია”, - განაცხადა მბაპემ.
მიმდინარე სეზონში მბაპემ პარიზული გუნდის შემადგენლობაში 11 თამაში ჩაატარა და 4 გოლის გატანა მოახერხა. ბრაზილიელის ანგარიშზე 11 მატჩი და 10 გოლია, ხოლო კავანი გუნდს 13 მატჩში 13 გოლით დაეხმარა.
