საფეხბურთო აგენტი პოლ სტრეტფორდი, რომელიც „მანჩესტერ იუნაიტედის“ თავდამსხმელის, უეინ რუნის ინტერესებს იცავს, ჩინეთში გაემგზავრა და ადგილობრივ კლუბებთან საკუთარი კლიენტის შესაძლო ტრანსფერთან დაკავშირებით მოლაპარაკებას აწარმოებს.

ვრცელდება ინფორმაცია, რომ 31 წლის რუნის მიმართ დაინტერესებას ოთხი ჩინური კლუბი გამოთქვამს: „ტიანცზინ ციუანცზინი“, „გუანჩჟოუ ევერგრანდი“, „ბეიცზინ გუოანი“ და „ცზიანსუ სუნინი“.

რუნის „მანჩესტერ იუნაიტედთან“ მოქმედი კონტრაქტის ვადა 2018 წლის ზაფხულში ეწურება, ხოლო ჩინეთში სატრანსფერო ფანჯარა 28 თებერვალს იხსნება.