მორიგი შედეგიანი მატჩი გამართა 17 წლის გოგა ბითაძემ სერბეთში, იუნიურთა ჩემპიონატის ცენტრალურ შეხვედრაში. ქართველი ცენტრის „მეგა ლეკსი“ ჩემპიონატის ლიდერ „ცრვენა ზვეზდას“ სტუმრად შეხვდა და მიუხედავად იმისა, რომ პირველი მეოთხედში 28:11 გაანადგურა, საბოლოოდ მაინც დამარცხდა - 70:84.

მატჩის საუკეთესო ინდივიდულური შედეგი დამარცხებული გუნდიდან დაფიქსირდა და ის გახლდათ ქართველი კალათბურთელი. ბითაძემ სასტარტო ხუთეულში ითამაშა და 31 წუთში 16-დან 6 ორქულიანი და 13-დან 11 საჯარიმო ჩააგდო, ხოლო 1 სამქულიანი ააცილა. 23 ქულას გოგამ 13 მოხსნა (5 მეტოქის ფარზე) და 4 დაფარება წაამატა. ქართველმა ცენტრმა ბურთი 3-ჯერ დაკარგა და 4 პერსონალური ფოლი მიიღო, მის წინააღმდეგ კი ერთბაშად 13-ჯერ (!) დაჯარიმდნენ. ბითაძის სარგებლიანობის კოეფიციენტი 33-ს გაუტოლდა და ამ შედეგით ის მოედანზე მყოფთაგან საუკეთესო იყო.

10 მატჩიდან “მეგა ლეკსს” 7 მოგება აქვს და ცხრილში მე-3 ადგილზეა, მომდევნო მატჩს ბითაძის გუნდი 4 თებერვალს, შინ, ჩაჩაკის “მლადოსთან” გამართავს.

gbf.ge