ევროპის 19-წლამდელთა ჩემპიონატის ფინალში ერთმანეთს იტალია და საფრანგეთი დაუპირისპირდებიან. გერმანიაში მიმდინარე ევროფორუმზე ფინალისტების ვინაობა გუშინ გაირკვა.

იტალიელთა წარმატებაზე ინგლისელ თანატოლებთან უკვე ვწერდით, ხოლო საფრანგეთმა მეორე ნახევარფინალურ მატჩში პორტუგალიას მოუგო დამაჯერებლად – 3:1. ასე რომ, პატარა “მამლებმა” ლუზიტანელებბზე რევანში აიღეს ცოტა ხნის წინ, მთავარ ევროპის ჩემპიონატის ფინალში მარცხისთვის.

არადა, მანჰეიმში გამართული შეხვედრა პორტუგალიის ნაკრებისთვის იდეალურად დაიწყო და უკვე მესამე წუთზე დაწინაურდა. თუმცა, მერე ფრანგებმა ძალები მოიკრიბეს, მეტოქეს საკუთარი თამაში მოახვიეს თავზე და სამი უპასუხო გოლიც შეუგდეს.

ახლა ევროპის ჩემპიონი 19-წლამდელთა ასაკში 24 ივლისს გაირკვევა და აღნიშნულ წოდებას ან იტალია მოიპოვებს, ანაც საფრანგეთი.

პორტუგალია – საფრანგეთი 1:3 (1:1)

გოლები: 1:0 პედრო პაჩეკო (3), 1:1 ბლასი (10), 1:2 მბაპე (67), 1:3 მბაპე (75)