მადრიდის “რეალმა” შესაძლოა ფლორენციის “ფიორენტინას” გერმანელი თავდამსხმელი მარიო გომესი დაიმატოს. ამის შესახებ თურქული ინტერნეტპორტალი miliyet-ი იტყობინება. გომესი ამჟამად სტამბულის “ბეშიქთაშში” თამაშობს, რომლის ღირსებასაც იჯარის წესით იცავს და სეზონის პირველ ნახევარში მეტოქეთა კარში 15 გოლის გატანა შეძლო.
როგორც წყარო იტყობინება, ზინედინ ზიდანს გერმანელი ფორვარდი ფრანგი ქარიმ ბენზემას დუბლიორად ესახება. ჯერჯერობით უცნობია თუ როგორი პირობებით გადაბარგდება გომესი “სანტიაგო ბერნაბეუზე”.
მარიო გომესი “ფიორენტინაში” 2013 წლის ზაფხულში ჩაირიცხა, თუმცა ორი სეზონის განმავლობაში ტრავმიანობდა და გუნდში დამკვიდრება ვერ შეძლო, რის შემდგომაც გასულ ზაფხულს “ბეშიქთაშში” გაანათხოვრეს.
