საქართველოს მორაგბეთა XXVI ეროვნული ჩემპიონატის მე-12 ტურის პირველ მატჩში, “ბათუმმა” რუსთავის “ხარები” 24:19 დაამარცხა და ხვალ საღამომდე სატურნირო ცხრილის სათავეში მოექცა.
ამინდის გაუარესების გამო, თამაში გონიოს ნაცვლად ფოთში, ხელოვნურსაფარიან მოედანზე გაიმართა და პირველ ტაიმში მაყურებელმა სამი ლელო იხილა. ზღვისპირელთაგან დუბლი გარემარბმა ბადრი ევგენიძემ შეასრულა, ხოლო რუსთაველებმა ტრადიციულად შერკინებით იმძლავრეს და საჯარიმო ლელო დაიმსახურეს. ლელოებს “ბათუმმა” ერთი გარდასახვა და ერთიც ჯარიმა შემატა, ხოლო რუსთაველებმა ზუსტი გარდასახვის გარდა 2 ჯარიმაც გაიტანეს და ტაიმი 2 ქულით დათმეს.
მეორე ნახევარში გუნდებმა ქულები დარტყმებით აგროვეს, “ბათუმმა” 3, ხოლო “ხარებმა” 2 ზუსტი დარტყმა შეასრულა და მასპინძლებმა 24:19 მოგებით 4 ქულა აიღეს, ხოლო “ხარებს” ერთი პრემიალური ქულა შეხვდა, რამაც მას მე-7 ადგილამდე აღზევების საშუალება მისცა.
ხვალ, ტურის ცენტრალურ მატჩში, დიდ დიღომში “ლელო-სარასენსი” გორის”ჯიქს” მასპინძლობს და მოგებული პირველ ადგილზე გადავა.
საქართველოს XXVI ეროვნული ჩემპიონატი. XII ტური
5 დეკემბერი. ფოთი
ბათუმი (ბათუმი) - ხარები (რუსთავი) 24:19 (15:13)
ბათუმი: 15. მიმინოშვილი, 14. გოგიტიძე, 13. ჯი,შელაძე, 12. ნინიძე, 11. ევგენიძე, 10. ჭინჭარაული, 9. თუთბერიძე; 1. ერისთავი, 2. თედორაძე, 3. ბალიაშვილი, 4. აზალაძე, 5. ბერიძე, 6. თხილაიშვილი, 7. შაშიაშვილი, 8. ალიქაძე.
სათადარიგოები: 16. ხოჭოლავა, 17. კვანტიძე, 18. კელენჯერიძე, 19. ხელაძე, 20. ნიუვენჰეიზენი, 21. ფუტკარაძე, 22. დონაძე, 23. ტრაპაიძე.
2 ლელო: ევგენიძე (2)
1 გარდასახვა: ჭინჭარაული
4 ჯარიმა: ჭინჭარაული
ხარები: 15. მჭედლიშვილი, 14. გულიტაშვილი, 13. ღამბაშიძე, 12. ქანდაურაშვილი, 11. ბებიაშვილი, 10. ბასილაია, 9. მისრიაშვილი; 1. ზურიკაშვილი, 2. აღაშვილი, 3. წიკლაური, 4. ცხადაძე, 5. ჯიმშიტაშვილი, 6. ღამბარაშვილი, 7. ქვლივიძე, 8. მღებრიშვილი.
სათადარიგოები: 16. თაგაური, 17. ხელია, 18. გოგოლაძე, 19. ბერძული, 20. ბუჯიაშვილი, 21. ბეჟუაშვილი, 22. მელიქიშვილი, 23. თეგეთაშვილი.
1 ლელო: ტერქნიკური
1 გარდასახვა: მჭედლიშვილი
4 ჯარიმა: მჭედლიშვილი
გუნდები თ მ ფ წ +/- ქ ბ
| ბათუმი | 12 | 8 | 1 | 3 | 201:158 | 38 | 4 |
| ლელო-სარასენსი | 11 | 8 | 1 | 2 | 202:156 | 37 | 3 |
| ჯიქი | 11 | 7 | 1 | 3 | 184:116 | 35 | 5 |
| ლოკომოტივი | 11 | 7 | 0 | 4 | 216:165 | 33 | 5 |
| აია | 11 | 7 | 1 | 3 | 178:143 | 32 | 2 |
| ყოჩები | 10 | 5 | 0 | 5 | 161:161 | 24 | 4 |
| ხარები | 12 | 4 | 0 | 8 | 141:197 | 20 | 4 |
| აკადემია | 11 | 4 | 0 | 7 | 99:156 | 19 | 3 |
| არმია | 11 | 2 | 1 | 8 | 183:253 | 15 | 5 |
| არმაზი | 10 | 0 | 1 | 9 | 137:197 | 8 | 6 |
6 დეკემბერი. თბილისი. “ლელო”. 15:00 საათი
ლელო-სარასენსი (თბილისი) - ჯიქი (გორი)
8 დეკემბერი. თბილისი. “შევარდენი”. 15:00 საათი
აკადემია (თბილისი) - არმია (თბილისი)
ყოჩები (ბოლნისი) - აია (ქუთაისი) გადაიდო
ლოკომოტივი (თბილისი) - არმაზი (თბილისი) გადაიდო
