ქალთა შორის საქართველოს პირველი ჩოგანი სოფო შაფათავა ქაიროს 10-ათასიან ტურნირზე პირველ ნომრადაა განთესილი და გასაკვირი არაა, რომ მეოთხედფინალში იოლად გააღწია.
შაფათავამ საწყის წრეში დაისვენა, შემდეგ კი კვალიფიკაციის ერთ-ერთ გამარჯვებულ იაილა ელნიმირს 6:1, 6:4 სძლია. სოფოს კიდევ ერთი ეგვიპტელი მეტოქე ელის მეოთხედფინალში. ის მე-6 განთესვის მქონე სანდრა სამირია, რომელმაც თანამემამულე აჰლამ შავკატს 6:1, 6:2 მოუგო.
შეგახსენებთ, რომ შაფათავა წყვილთა შეჯიბრში სლოვაკ მიკაელა ჰონჩოვასთან ერთად ასევე პირველ ნომრადაა მიჩნეული და მეოთხედფინალში ძალებს უკრაინულ-ეგვიპტურ დუეტთან (შახრაიჩუკი-შავკატი) მოსინჯავს.
