ქალთა შორის საქართველოს პირველი ჩოგანი სოფო შაფათავა იაპონიის დედაქალაქ ტოკიოში მიმდინარე საერთაშორისო ტურნირს (საპრიზო ფონდი 100 ათასი დოლარი) გამოეთიშა.

შაფათავა მერვედფინალში ტაილანდელ ვარატჩაია ვონგტეანჩალს დაუპირისპირდა და 4:6, 3:6 წააგო.

წყვილთა ტურნირში შაფათავა და რუს კსენია ლიკინა კორეელებს – ჰანსა და ლის ვერ გაუმკლავდნენ (5:7, 2:6) და ასპარეზობა მეოთხედფინალში დაასრულეს.