სანკტ-პეტერბურგის “ზენიტის” ბრაზილელმა შემტევმა ჰალკმა რუსეთის საფეხბურთო პრემიერლიგის საუკეთესო ლეგიონერ ბომბარდირთა ათეულში საქართველოს ეროვნული ნაკრებისა და მოსკოვის “ლოკომოტივის” ექსფორვარდის ზაზა ჯანაშიას ადგილი დაიკავა.

პრემიერლიგის 26-ე ტურში ჰალკის მიერ “სპარტაკის” კარში გატანილი გოლი რუსულ კარიერაში 52-ე აღმოჩნდა და მან ლეგიონერ ბომბარდირებში მე-10 ადგილი დაიკავა, რომელზეც მანამდე ჯანაშია იყო (197 მატჩში 51 გოლი).

რუსეთის პრემიერლიგის საუკეთესო ლეგიონერ ბომბარდირთა ათეული ასე გამოიყურება:

1. ვაგნერ ლავი (259 მატჩში 124 გოლი)
2. სეიდუ დუმბია (129/84)
3. დანი (218/78)
4. ველიტონი (133/61)
5. ექტორ ბრაკამონტე (237/57)
6. კევინ კურანი (147/56)
7. ნაზიმ სულეიმანოვი (167/56)
8. მარტინ კუშევი (194/56)
9. ალეხანდრო დომინგესი (170/53)
10. ჰალკი (106/52).

აღსანიშნავია, რომ ჯანაშია “ლოკომოტივის” არსებობის ისტორიაში საუკეთესო ლეგიონერი-ბომბარდირია.