კვირას, პრიმერა დივიზიონის 29-ე ტურში, “რეალმა” გრანადა” 9:1 გაანადგურა. “სამეფო კლუბის” პორტუგალიელმა შემტევმა აღნიშნულ მატჩში 5 გოლი გაიტანა და ესპანეთის ჩემპიონატში სულ 213 გოლი დაუგროვა. ამ მაჩვენებლით კრიშტიანუმ ესპანელ შემტევს მანუელ პაინოს გადასწრო, რომელსაც პრიმერა დივიზიონში 210 გოლი აქვს გატანილი. ამრიგან კრიშტიანუ რონალდუ ესპანეთის ჩემპიონატის საუკეთესო გოლეადორებს შორის მერვე ადგილზეა.

ესპანეთის ჩემპიონატის ყველა დროის საუკეთესო 8 გოლეადორი:

1: ლიონელ მესი (ბარსელონა) 306 მატჩში - 275 გოლი

2: ტელმო ზარა (ბილბაო) 278 მატჩი - 251 გოლი

3: უგო სანჩესი (რეალი, ატლეტიკო) 347 მატჩი – 234 გოლი

4: რაული (რეალი) 550 მატჩი – 228 გოლი

5: ალფრედო დი სტეფანო (რეალი, ესპანიოლი) 329 მატჩი – 227 გოლი

6: სეზარ როდრიგესი (ბარსელონა, გრანადა, ელჩე) 353 მატჩი – 223 გოლი

7: ენრიკე დე კასტრო გონსალესი (ბარსელონა, ხიხონი) 448 მატჩი – 219 გოლი

8: კრიშტიანუ რონალდუ (რეალი) 191 მატჩი – 213 გოლი

რონალდუ ესპანეთის ჩემპიონატის ბომბარდირთა შორის ერთადერთი ფეხბურთელია, რომელსაც საშუალოდ ერთ მატჩში ერთ გოლზე მეტი გააქვს. პორტუგალიელს ერთ მატჩში საშუალოდ 1.12 გოლი გამოსდის. ლეო მესის საშუალოდ ერთ მატჩში 0.9 გოლი გააქვს.