საფრანგეთის ლიგა 1-ის 24-ე ტური საინტერესო შეხვედრით დაიწყო. გალტიეს “სენტ ეტიენმა” ჩემპიონატის ერთ-ერთი ყველაზე სუსტი გუნდი “ლანსი” მიიღო და მხოლოდ ქულის მოპოვება მოახერხა. რომ არა მატჩის მიწურულს ერდინკის გოლი “ლანსი” სენსაციურ გამარჯვებას მოიპოვებდა, ისე კი ლიგა 1-ში კარგა ხანია სენსაცია არ დაფიქსირებულა, თუმცა დღეს დაფიქსირებული შედეგი მეტ-ნაკლებად მაინც სენსაციად უნდა ჩაითვალოს, მე-19 ადგილოსანმა მე-4 ადგილოსანთან გასვლით მატჩში ფრედ ითამაშა.

“სენტ ეტიენი” ჩავარდნას განიცდის, პსჟ-თან და “კაენთან” მარცხს “ლანსთან” ფრე მოჰყვა, “ლანსი” კი მესამე მატჩია არ აგებს, თუმცა ვერც იგებს. მათმა ფეხბურთელმა ტუზგარმა დღევანელ მატჩში დუბლი შეასრულა და გოლების სიმრავლით ყველას აჯობა. სულ ექვსი გოლი გავიდა, მათგან ორი კი ტუზგარმა გაიტანა.

“ლანსმა” ბოლო ადგილს თავი დააღწია, ხოლო “სენტ ეტიენი” მე-4 ადგილზე იმყოფება.

სენტ ეტიენი – ლანსი 3:3 (1:0)

სენტ-ეტიენი, “სტად ჟოფრი-გიშარდი”

სენტ ეტიენი: რუფიე, პერინი, ბაისე, კატერინე, კლემენტი, ნ’გუემო (მაქსიმინი 74), ტაბანუ, ლემოინე, ჰამუმა, მოლო (ბრისონი 80), ვან ვოლფსვინკელი (ერდინკი 54)

მთავარი მწვრთნელი: გალტიე

ლანსი: რიუ, კანტარი, ბულენგერი, გბამინი, კავარე, ლე მოინე (შავარია 64 ), ვალდივია, ნომენიანაჰარი (ბურიგუდი 84 ), სიპრიენი, გულამი, კულიბალი (ტუზგარი 46)

მთავარი მწვრთნელი: კომბუარე

გოლები: 1:0 ნ’გუემო (18), 2:0 მოლო (57), 2:1 ტუზგარი (60), 2:2 ტუზგარი (თერთმეტმეტრიანი 69), 2:3 შავარია (77), 3:3 ერდინკი (83)

მთავარი მსაჯი: ოლივერ ტუალი

გაფრთხილება: ბაისე (27), ჰამუმა (71), კანტარი (72), ვალდივია (88), ლემოინე (88)