ქართველმა სუმოისტმა ლევან გორგაძემ, რომელიც ტოჩინოშინის შიკონათია ცნობილი, ტოკიოს “რიოგოკო კოკუგიკანში” მიმდინარე სექტემბრის ბაშოზე მიჯრით 8 გამარჯვება იზეიმა და კაჩი-კოში ანუ დადებითი ბალანსი ვადაზე ადრე გაინაღდა.
ტოჩინოშინმა, რომელიც შემოდგომის სუპერტურნირზე რანგით მე-2 ძურიოს დივიზიონში დასავლეთის მე-5 ნომრის წოდებით ირჯება, მე-7 დღეს დასავლეთის პირველ ნომერ ამურუს იორიკირით აჯობა, ნაკაბის (ბაშოს შუალედური ანუ მე-8 დღე) კი, ამავე ილეთით დასავლეთის მე-2 ნომერ სოტაირიუ დაჯაბნა.
ქართველი გოლიათი ძურიოს ერთპიროვნული ლიდერია და ქვედა დივიზიონებში ზედიზედ მე-4 ბაშოს მოგებისკენ მიიწევს, რის კვალად, იმედია, ბოლო-ბოლო, ელიტარულ მაკუუჩი დივიზიონში დააბრუნებენ. გორგაძის შემდეგი მოწინააღმდეგე აღმოსავლეთის მე-3 ნომერი შოტენრო იქნება.
ჯერჯერობით, გაურკვეველია გაგამარუს შიკონათი ცნობილი თეიმურაზ ჯუღელის მომავალი, რომელიც ტოკიოში ძურიოს დასავლეთის მე-3 ნომრის წოდებით ასპარეზობს. მან ჯერ დასავლეთის მე-8 ნომერ ჩიიოოს ჰატაკიკომოთ მოუგო, შემდეგ კი აღმოსავლეთის მე-7 ნომერ ასასეკირიუსთან შიტატენაგეთი დამარცხდა და თანაბარი ბალანსი (4 მოგება, 4 მარცხი) გააჩნია.
კაჩი-კოშისთვის, გაგამარუს დარჩენილი 7 ორთაბრძოლიდან მინიმუმ ოთხის მოგება მართებს, შემდეგი შერკინება კი აღმოსავლეთის მე-5 ნომერ ჰომარეფუჯისთან
მაკუუჩი დივიზიონში 8-8 მოგებით მონღოლი იოკოძუნები ჰაკუჰო და კაკურიუ ლიდერობენ, ოძეკი კისენოსატო და აღმოსავლეთის მე-10 მაეგაშირა იჩინოჯო კი მათ თითო გამარჯვებით ჩამორჩებიან.
სექტემბრის ბაშოს მე-7 დღის მიმოხილვა
http://www.youtube.com/watch?v=CMs7ENa5FJ4
სექტემბრის ბაშოს მე-8 დღის მიმოხილვა
