ავტოსპორტი

17:13 | 26.08.2014 | ნანახია [] - ჯერ

როსბერგი: ეს იყო სარბოლო ინციდენტი

ნიკო როსბერგი ამბობს, რომ ბელგიის დიდი პრიზის რბოლის დასაწყისში, მის თანაგუნდელ და ტიტულის მოცილე ლუის ჰამილტონთან შეჯახება, ჩვეულებრივი სარბოლო ინციდენტი იყო და მეტი არაფერი. ამასთან, თავის პოზიციას იმ ფაქტითაც ამყარებს, რომ რბოლის სტუარდებმა ეს ინციდენტი განიხილეს და მასში როსბერგის ბრალი ვერ დააფიქსირეს.

ბრიტანულ გამოცემა „ავტოსპორტის“ ინფორმაციით, სტუარდებმა განხილეს ჰამილტონსა და როსბერგს შორის მომხდარი შეჯახება და დაადგინეს, რომ ინციდენტი წინასწარგანზრახული ქმედების შედეგი არ ყოფილა. ცნობისათვის, მეორე წრეზე, ო რუჟში როსბერგი ჰამილტონზე სწრაფი იყო და რადიონის შემდეგ, მასზე მაღალი ტემპი განავითარა, რამაც S-ტიპის ლე კომბსში შეტევის შანსი გაუჩინა. ჰამილტონმა პოზიცია დაიცვა. თუმცა მოსახვევში შესვლისას, როსბერგმა მაინც სცადა შეტევა, რასაც შეჯახება მოჰყვა.

შედეგად, როსბერგის მანქანას წინა ანტი ფრთის მარჯვენა ფრაგმენტი დაუზიანდა, ჰამილტონის მანქანას კი უკანა მარცხენა ბორბალი გაუსკდა და ამის გამო, პიტლეინამდე თითქმის 5 კილომეტრი დაბალი ტემპით გაიარა. რბოლის მიწურულს, ჰამილტონმა ასპარეზობა შეწყვიტა. „ავტოსპორტის“ კითხვაზე, რას ფიქრობს მომხდარის შესახებ, როსბერგმა მიუგო: „მე ვნახე ჩანაწერი. არ მინდა თქმა, მაგრამ სტუარდებმა ამ ყველაფერს ჩვეულებრივი ინციდენტი უწოდეს. და მე ვერაფერს დავამატებ“.

ჰამილტონი კი ირწმუნება, ბოქსებში ნიკომ აღიარა, რომ გამიზნულად არ მოარიდა მანქანა შეჯახებას, რადგან სურდა, თავისი სიმტკიცე გამოევლინა. თუმცა გერმანელმა ეს არ დაადასტურა. უფრო მეტიც, ის ხაზს უსვამს, რომ მისი ქმედბა რისკს მოკლებულიც კი იყო. უფრო მეტიც, არ დაეთანხმა მოსაზრებას, რმლის მიხედვითაც, შეტევამდე ერთი წრეც უნდა მოეცადა, როცა რბოლის სტიუარდები DRS-ის გამოყენების ნებას დართავდნენ.

„იმ მომენტში უფრო სწრაფი მე ვიყავი. მოსახვევში გასწრების შესაძლებლობა დავინახე და მისი გამოყენება ვცადე. რადგან შიდა ტრაექტორია დაბლოკილი იყო, გარედან ვცადე შეტევა. გასწრებისას ვერანაირ რისკს ვერ ვხედავდი. ჰოდა, რატომ არ უნდა მეცადა? ამის სესაძლებლობა DRS-ის გარეშეც იყო და მისი გამოყენების უფლება მქონდა. სხვა თუ არაფერი, მასზე გაცილებით სწრაფი ვიყავი“, - ამბობს როსბერგი.

http://autopanoramaf2.blogspot.com/

0.112696