ლატვიის ფეხბურთის ფედერაციის სადისციპლინო კომიტეტმა რიგის “სკონტოს” მთავარი მწვრთნელი თამაზ პერტია 200 ევროთი, ხოლო მისი თანაშემწე ანდრეი კალინინი 100 ევროთი დააჯარიმა. გარდა ამისა, კალინინი 2 მატჩით დისკვალიფიცირებულია.
სადისციპლინო კომიტეტმა ვერდიქტი “იელგავასა” და “სკონტოს” მატჩის მერე მიიღო, რომელიც რიგელებმა სტუმრად 1:0 მოიგეს. პერტია მეტოქე გუნდის სათადარიგოთა სკამის მისამართით არაეთიკური ჟესტების ჩვენებისთვის დასაჯეს, ხოლო კალინინი – მსაჯების შეურაცხყოფისთვის.