კოლუმბიელმა ხამეს როდრიგესმა მადრიდის “რეალთან” ექვსწლიანი კონტრაქტი გააფორმა და ესპანეთის დედაქალაქის ერთ-ერთ კლინიკაში სამედიცინო შემოწმებაც წარმატებით გაიარა. ტესტირებისას როდრიგესს ჯანმრთელობის არანაირი პრობლემა ვერ აღმოუჩინეს, კონტრაქტის პირობები კი საჯაროდ არ ცხადდება.

სხვადასხვა წყაროები იუწყებიან, რომ 23 როდრიგესი წლიურად 7 მილიონ ევროს მიიღებს. შეგახსენებთ, წლევანდელი მუნდიალის საუკეთესო ბომბარდირი ხამეს როდრიგესი უწინ კოლუმბიის “ენვიგადოს”, არგენტინის “ბანფილდის” და “პორტუს” ღირსებას იცავდა, გასულ სეზონში კი “მონაკოს” შემადგენლობაში 34 მატჩი ჩაატარა და 9 გოლი გაიტანა.