ქართველ ჩოგბურთელთა გარეშე გაგრძელდება ყაზახეთის დედაქალაქ ასტანაში მიმდინარე საერთაშორისო ტურნირი, რომლის საპრიზო ფონდიც 100 ათასი დოლარია.

პირველ წრეში ეკატერინე გორგოძე “უაილდ ქარდის” მქონე ყაზახ ეკატერინა კლიუევას გაეჯიბრა და დაძაბულ ბრძოლაში 6:3, 6:7 (6:8), 5:7 დამარცხდა.

წყვილებში გორგოძემ და სოფო ქვაცაბაიამ თურქ სოილუსთან და ხორვატ ვრლიჩთან 2:6, 2:6 წააგეს.

ბაქოს 250-ათასიანი ტურნირის წყვილთა შეჯიბრში თამარ ჭალაგანიძე და აზერბაიჯანელი ზულეიხა საფაროვა უკრაინის სახელით მოთამაშე ოლეკსანდრა კორაშვილთან და ჩეხ ტერეზა მარტინცოვასთან 0:6, 0:6 განადდგურდნენ.

ცნობისთვის, წყვილთა შორის პირველი რეიტინგი ოქსანა კალაშნიკოვას და უკრაინელ ოლგა სავჩუკს გააჩნიათ და ისინი ბრძოლაში პირდაპირ მეოთხედფინალიდან ჩაებმებიან.