უეფას შტაბ-ბინაში რამდენიმე წუთის წინ დასრულდა ჩემპიონთა ლიგის 2014-2015 წლების სეზონის პლეი ოფის კენჭისყრა. ოცი კლუბისგან ათი წყვილი შედგა და ორი მატჩის ჯამში გამარჯვებული გუნდები ჩემპიონთა ლიგის ჯგუფურ ეტაპზე თამაშის უფლებას მოიპოვებენ.
შეგახსენებთ, რომ კენჭისყრა შემდეგი წესით მიმდინარეობს: თავისი ქვეყნის ათი ჩემპიონი გუნდი “ჩემპიონთა გზაზე” ხუთ წყვილს შეადგენს, ხოლო დანარჩენი ათისგან “ლიგის გზაზე” კიდევ ხუთი წყვილი შედგება და გამარჯვებული ათი გუნდი ჯგუფურ ეტაპზე მოხვდება.
გუნდები შემდეგნაირად დაწყვილდნენ:
ჩემპიონთა გზა:
მარიბორი (სლოვენია) – სელტიკი (შოტლანდია)
ზალცბურგი (ავსტრია) – მალმო (შვედეთი)
ოლბორგი (დანია) – აპოელი (კვიპროსი)
სტიაუა (რუმინეთი) – ლუდოგორეცი (ბულგარეთი)
სლოვანი (სლოვაკეთი) – ბატე (ბელორუსი)
ლიგის გზა:
ბეშიქთაში (თურქეთი) – არსენალი (ინგლისი)
სტანდარტი (ბელგია) – ზენიტი (რუსეთი)
კოპენჰაგენი (დანია) – ლევერკუზენი (გერმანია)
ლილი (საფრანგეთი) – პორტო (პორტუგალია)
ნაპოლი (იტალია) – ბილბაო (ესპანეთი)
პირველი მატჩები 19 და 20 აგვისტოს ჩატარდება, საპასუხო შეხვედრები კი 26 და 27 აგვისტოს. ყოველი წყვილის პირველი გუნდი პირველ შეხვედრას საკუთარ მოედანზე ჩაატარებს.
ლევან გოგოტიშვილი