რაგბი

23:50 | 22.10.2014 | ნანახია [] - ჯერ

“ბორჯღალოსანები” ახალი კვართების მოლოდინში

დღეს, საქართველოს რაგბის კავშირმა და სპორტული ეკიპირების მწარმოებელმა კომპანიამ “ანდერ არმორმა“ (Under Armour®) ოფიციალურად განაცხადეს პარტნიორობის შესახებ, რითაც “ანდერ არმორი” საქართველოს ეროვნული ნაკრების სპორტული ეკიპირების ოფიციალური მომწოდებელი გახდა.

“ბორჯღალოსნების” ახალი სათამაშო ფორმის პრეზენტაცია ნოემბრის ტესტებზე, საქართველო-ტონგას მატჩის წინა-სამატჩო პრესკონფერენციაზე მოხდება.

უელსის რაგბის კავშირთან და საფეხბურთო კლუბ “ტოტენჰემ ჰოთსფურთან” პარტნიორობით დაგროვებული გამოცდილებით, კომპანიაში მიაჩნიათ, რომ იმ უწყვეტი ტექნოლოგიური მიღწევებით, რომლებსაც “ანდერ არმორი” ახორციელებს, ახალი ეკიპირება საქართველოს ეროვნულ ნაკრებს ნებისმიერ სარბიელზე საუკეთესო შედეგის მიღწევაში დაეხმარება.

“ბორჯღალოსნების” ახალი ეკიპირება ინოვაციურია და ნესტის შემაკავებელი ტექნოლოგიის გამოყენებით, ახლებური წელვადი მასალისგან არის დამზადებული.

ამრიგად, 2015 წლის მსოფლიო თასის ჩათვლით, “ანდერ არმორი” სამი წლის განმავლობაში, საქართველოს ეროვნული ნაკრების ეკიპირების ოფიციალური მომწოდებელი იქნება. ეკიპირების შეძენა, რომელიც მსოფლიო თასისთვის დამზადდება, შესაძლებელი იქნება საქართველოში. ინტერნეტით კი, დიდ ბრიტანეთში ცნობილ სარაგბო პორტალებზე Lovell-Rugby.co.uk და Rugbystore.co.uk.

0.114697