სინგაპურში მიმდინარე ქალ ჩოგბურთელთა წლის შემაჯამებელ ტურნირზე, რეიტინგის მე-7 ნომერმა, სერბმა ანა ივანოვიჩმა, მსოფლიოში მე-5 ნომერი კანადელი ეჟენი ბუშარი დაამარცხა (6:1, 6:3).
ანამ საკმაოდ იოლი გამარჯვება მოიპოვა. პირველ სეტში სერბმა 2-ჯერ დააბრეიკა კანადელი და სეტებში დაწინაურდა. მეორე სეტში ბუშარი 3:2 იგებდა, მაგრამ ბალკანელმა ზედიზედ 4 გეიმი მოიგო და მიმდინარე ტურნირზე პირველი გამარჯვება იზეიმა.
მატჩი საათსა და 24 წუთს მიმდინარეობდა. ანამ 1 ეისი ჩააწოდა და 6 ორმაგი შეცდომა დაუშვა, ბუშარმა 2 ეისი ჩააწოდა და 4 ორმაგი შეცდომა ჰქონდა.
წითელი ჯგუფის ლიდერი სიმონა ჰალეპია, რუმინელმა 2-დან 2 შეხვედრა მოიგო.
მესამე გადამწყვეტი მატჩები 24 ოქტომბერს ჩატარდება:
ჰალეპი – ივანოვიჩი , უილიამსი- ბუშარი
იხილეთ წითელი ჯგუფის ცხრილი
1. | სიმონა ჰალეპი | 2 | 2 | 0 | 4:0 | 2 | |
2. | ანა ივანოვიჩი | 2 | 1 | 1 | 2:2 | 1 | |
3. | სერენა უილიამსი | 2 | 1 | 1 | 2:2 | 1 | |
4. | ეჟენი ბუშარი | 2 | 0 | 2 | 0:4 | 0 | |
ჯგუფიდან 1-2 ადგილი გადის შემდეგ ეტაპზე
ივანოვიჩი – ბუშარის სრული მატჩი