საფრანგეთში 18 წლის ახალგაზრდა დააკავეს, რომელსაც რამდენიმე ადამიანის გატაცების დაგეგმვაში ედება ბრალი. სავარაუდო სამიზნეებს შორის საფრანგეთის ნაკრებისა და მადრიდის „რეალის“ ვარსკვლავი კილიან მბაპეც იყო. ინფორმაციას ცნობილი ფრანგული გამოცემა Le Parisien-ი ავრცელებს.
გამოძიების ინფორმაციით, ახალგაზრდა და მისი სავარაუდო თანამზრახველები რამდენიმე ბიზნესმენის, ცნობილი რეპერისა და მბაპეს გატაცებას გეგმავდნენ. საქმეში სულ 26 შესაძლო სამიზნე ფიგურირებს.
ეჭვმიტანილის კვალზე სამართალდამცველები ერთ-ერთი ბიზნესმენის წინააღმდეგ განხორციელებული თავდასხმის გამოძიებისას გავიდნენ. შემთხვევა 2026 წლის აპრილში, პარიზის გარეუბან ნეი-სიურ-სენში მოხდა.
18 წლის ახალგაზრდა ამჟამად წინასწარ პატიმრობაში იმყოფება და იზოლირებულ საკანშია მოთავსებული.
გამოძიება გრძელდება და საბოლოო გადაწყვეტილებას ბრალდებულის პასუხისმგებლობის შესახებ სასამართლო მიიღებს.
