გიორგი ცინცაძემ კვლავ წარმატებულად ითამაშა, თუმცა მისი გუნდი რუმინეთის ჩემპიონატში კვლავ დამარცხდა. „პოლიტეხნიკა“ ამჯერად ქალაქ გალაცის „ფენიქსს“ ესტუმრა და 9 ქულით - 70:79 დამარცხდა.
ცინცაძემ კვლავ კაპიტნის სამკლავურით ითამაშა და მოედანზე გატარებულ 36:44 წუთში 18 ქულა, 5 მოხსნა, 2 პასი და 1 ჩაჭრა მოაგროვა. გიორგიმ 4-ვე ორქულიანი, 6-დან 2 სამქულიანი და 6-დან 4 საჯარიმო ჩააგდო, ბურთი 3-ჯერ დაკარგა, 3 პერსონალური ფოლი მიიღო, მის წინააღმდეგ კი 4-ჯერ დაჯარიმდნენ.
“პოლიტექნიკა” სატურნირო ცხრილში ბოლო ადგილზე იმყოფება, მომდევნო მატჩს კი 21 ოქტომბერს, ისევ სტუმრად, “ორადეას” წინააღმდეგ გამართავს.
gbf.ge