საქართველოს ნაკრებისა და მოსკოვის “სპარტაკის” ნახევარმცველმა ჯანო ანანიძემ ოპერაცია გაიკეთა. როგორც “სახალხო გუნდის” ვებგვერდი იტყობინება, ქართველ ფეხბურთელის მარცხენა ფეხის ტერფზე ქირურგიული ჩარევა იტალიის დედაქალაქ რომში ჩაუტარდა.
ოპერაცია 2 საათს გაგრძელდა და წარმატებით ჩაიარა. ჯანო რეაბილიტაციისთვის მომდევნო დღეებს კლინიკაში გაატარებს. ამ ეტაპზე უცნობია, თუ როდის შეძლებს ჩვენებური მინდორზე დაბრუნებას.
შეგახსენებთ, ანანიძე 23 სექტემბერს, “ანჟისთან” (2:2) შეხვედრაში დაშავდა. მიმდინარე სეზონში ქართველმა “სპარტაკის” ღირსება 7 მატჩში დაიცვა და 2 საგოლე პასი მიითვალა.
