სარეკლამო ადგილი - 3
227 x 91
ფეხბურთი

11:25 | 12.10.2017 | ნანახია 3479 - ჯერ

...როდესაც რეალობას კარგავ

2006 წელია, იანვარი იწურება, გარეთ ცივა (მგონი თოვდა კიდეც), მაგრამ არ დამზარებია ქუჩაში გაზეთის საყიდლად გასვლა (სახელს შეგნებულად არ დავასახელებ, ეგებ, ვინმემ რეკლამაში ან ანტირეკლამაში ჩამითვალოს). მაშინ ქართული ონლაინ გამოცემები, დღეს რომ არიან ყოველ თვალის გახელაზე, სად იყო. ჰოდა, გაზეთის ყიდვა ყოველდღე მიწევდა, თანაც რამდენიმე დასახელების. იმ დღეს კიდევ უფრო მოუთმენლად ველოდი ფურცლების ხელში მომწყვდევას – ევროპის 2008 წლის ჩემპიონატის წილისყრა გაიმართა და მაინტერესებს, საქართველოს ნაკრების შესახებ ახალს რას გავიგებ.

ჯგუფი გვერგო, ნუ იტყვით: იტალია, საფრანგეთი, უკრაინა, შოტლანდია, ლიტვა და ფარერები. ვშლი გაზეთის ფურცლებს და შევუდექი სტატიის კითხვას. უცნაური გრძნობა დამეუფლა, თითქოს უშანსოდ ვართ, მაგრამ იმედი მომეცა – როგორც ამოვიკითხე, რთული იქნება, მაგრამ საქართველოს ნაკრებს შუეძლია მეორე ადგილზე მაინც გავიდეს (ეს პირდაპირ იძლევა ევრო 2008-ის საგზურს). კი, მაგრამ როგორ?!

იმედს რამდენიმე ფაქტორი აღვივებდა – ახალი მწვრთნელი, კლაუს ტოპმოილერი. ალბათ გახსოვთ, რა იმედებით ჩავაბარეთ ნაკრები და რა მოლოდინით. ახლაც მახსოვს, ჩვენი მეტოქეების მწვრთნელების მინუს-პლიუსებზეც იყო საუბარი: მაშინ ნამდვილად დავიჯერე, რომ ყველაზე კარგი სპეციალისტი საქართველოს ნაკრებს ედგა სათავეში, ბუნებრივია, მარჩელო ლიპის შემდეგ. თუმცა, ლიპი მუნდიალის შემდეგ იტალიას შედეგის მიუხედავად ტოვებდა. ასე რომ, ჰერ კლაუსი პირველი იყო. ბედის ირონიით, ჩვენი სიკვდილის ჯგუფი ზაფხულში კიდევ უფრო ჯოჯოხეთური გახდა – იტალიამ მუნდიალი მოიგო, საფრანგეთი დაამარცხა ფინალში. არც უკრაინა ყოფილა ტურისტად – მეოთხედფინალს უწია. და მაინც, ჩვენ ისევ იმედიანად ვართ. ჰიმნიც კი შეიქმნა და ყველა ტელეარხზე ყოველ საათში გადიოდა – “ჩვენ ერთი გუნდი ვართ”. ეს ძალიან მახარებდა და მალევე გავიზუთხე ტექსტი. მერე ბორის პაიჭაძის სახელობის ეროვნული სტადიონის რეკონსტრუქციაც დაიწყო, რომელიც 2 სექტემბერს, საქართველო – საფრანგეთის თამაშით საზეიმოდ უნდა გახსნილიყო და გაიხსნა კიდეც, მაგრამ სხვა საზეიმო იმ დღეს ნამდვილად არ გვქონია.

თუმცა, იქამდე საქართველოს ნაკრები ფარერის კუნძულს ეწვია და “მეთევზეები”, “მასწავლებლები”, მძღოლები” კარგა გვარიანად დაჩაგრა – 6:0. მეტი რა გვინდოდა?! ჩვენი უსაზღვრო ამბიციები და ალბათ უფრო ფანტაზიები, ამ გამარჯვებამ კიდევ უფრო გაზარდა. მოკლედ, მაშინ ბევრს სჯეროდა, რომ ბოლოს და ბოლოს საქართველოს ნაკრების კარიც გაიღებოდა დიდ ფეხბურთში...

ჰოდა, რატომ მოვაყოლე ამხელა შესავალი... უცნაური ხალხი ვართ ქართველები. შეიძლება ითქვას, გამოუსწორებელი ოპტიმისტები და რაც მთავარია, ვერასდროს ვსწავლობთ საკუთარ შეცდომებზე. აგერ, მერამდენე შესარჩევი ციკლი გაილია და დიდ ფორუმზე გასვლას ვინ ჩივის, ახლოსაც არ ვყოფილვართ. მიუხედავად ამისა, ყოველი წილისყრის შემდეგ, ვითვლით შანსს, ვითვლით პოტენციურ ქულებს და ავსტრია იქნება თუ შოტლანდია, ზოგჯერ არადაც მივიჩვენთ. მოკლედ, ასე იმედით აღსავსე და ანთებული გულით ვიწყებთ საკვალიფიკაციო ეტაპს. მერე, ნელ-ნელა მეთოდურად აღმოვაჩენთ, რომ თურმე საქართველოს ნაკრები არ ყოფილა მზად და მერე ვბრაზდებით. გაბრაზება კი კარგად ვიცით.

არადა, რეალობა სხვაგანაა – საქართველოს ნაკრები დღეს ნამდვილად არ იმყოფება იმ დონეზე, რომ გადაჭრით მოვითხოვდეთ მსოფლიოს ან ევროპის ჩემპიონატზე გასვლას. მესმის, რომ გვიყვარს, მესმის, რომ გვინდა და ისიც მესმის, რომ ამდენი წაგებაც ყელში ამოვიდა, დამღლელია, სიხარული გვინდა... ვის არ უნდა, მაგრამ სიმართლე რომ ვაღიაროთ უმჯობესია.

ისევ 2006 წელს დავუბრუნდები, მარჩელო ლიპი ყოველ პრესკონფერენციაზე იმას გაიძახოდა, ჩვენ აქ საჩემპიონოდ არ ვართ, უბრალოდ გვინდა თამაშიდან თამაშამდე მოვახდინოთ კონცენტრაცია და ვნახოთ, ბოლოში რა შეგვრჩებაო. ბოლოში დონ მარჩელოს მსოფლიოს თასი შერჩა ხელში, თავის ცნობილ სიგარასთან ერთად. ასეა, პრაგმატიზმი ზოგჯერ ყველაზე კარგი გამოსავალია.

კი შესაძლოა, ვთქვათ, რომ თუ ისლანდიამ შეძლო, ჩვენც ხომ შეიძლება შევძლოთ?! – როგორ არ შეიძლება, შეიძლება, მაგრამ ამას დრო და შრომა სჭირდება. ისლანდიის ნაკრების წარმატება ციდან არ ჩამოვარდნილა. ევრო 2004-ის შესარჩევია. რეიკიავიკში მსოფლიოს ვიცე-ჩემპიონი გერმანია ჩავიდა და შინ კუდამოძუებული დაბრუნდა (0:0). ბუნებრივია, რუდი ფიოლერს კრიტიკა არ ასცდენია, მაგრამ ისლანდიელთა კინკილა ქულაზე მეტად მნიშვნელოვანი მათი სტაბილურობა იყო: ჯგუფში, სადაც გერმანია გახლდათ, ისლანდია ლიდერობდა 5 თამაშში 13 ქულით(!). მართალია მაშინ, ისლანდიური ვულკანი მეტად ვეღარ ამოიფრქვა, მაგრამ ნაკრებმა და ზოგადად ფეხბურთმა ზრდა-განვითარება გააგრძელა. ჩვენ კი? ჩვენ აქამდე ძალიან ბევრი გვიკლია. ჩვენ ამასთან ახლოსაც არ ვართ. და მაინც, ჩვენი მიზანი იქ მოხვედრაა. იქ, სადაც ჯერ ჩვენი ადგილი არაა.

ახლა ერთა ლიგა შეიქმნა – ეს ჩვენი შანსია - გავიძახით. ასეცაა. ისეთებიც არიან, რომ ეთალიკებათ. აბა, ბოლო დივიზიონში რა გვესაქმება, სან მარინო და ანდორა, რა ჩვენი საკბილოაო – რას იზამ, ძალიან გვიყვარს ფეხბურთი... ჰოდა, ახლა მოლოდინი, რომ ევროპის ჩემპიონატი უჩვენოდ არ ჩაივლის, კიდევ უფრო გამძაფრდა. დაილოცოს სოციალური ქსელი, იმდენი მოსაზრების ამოკითხვა და გაცნობა შეგიძლია, ნუ იტყვით. ჰოდა, მინდა, გითხრათ, რომ უკვე იქ ვართ, უკვე ვითამაშეთ ევროპის ჩემპიონატზე. ძნელი მისახვედრი არაა, ჩვენ ერთა ლიგა უკვე მოვიგოთ (ჯერ არც დაწყებულა, მაგრამ მაინც).

რას ვიზამთ, გამოუსწორებელი ოპტიმისტები ვართ ქართველები – და მაინც, ალბათ, უმჯობესი იქნება ერთხელ და სამუდამოდ ვაღიაროთ: ჩვენ ვართ შესარჩევი ციკლის ქვეჯგუფში აუტსაიდერი და მიზნად გინდა თუ არა, ფინალურ ეტაპზე გასვლა, არამედ თამაშიდან თამაშამდე მაქსიმუმი უნდა დავისახოთ. ალბათ, ასე აჯობებს. ასე ნაკლები წნეხი ექნება ნაკრებს და ასე ნაკლებად დაგვწყდება გული.

მოკლედ, უცნაური ხალხი ვართ. ყოველთვის ვითხოვთ მაქსიმუმს, ვერ ვიღებთ, მერე ისევ ვითხოვთ და ასე გაუთავებლად... ამაში დამნაშავე, ყველანი ვართ. მეც, შენც და ისიც. ისიც, 2006 წლის 29 იანვარს, გაზეთის ფურცლებიდან უდიდესი იმედით, რომ აღმავსო ჯერ კიდევ პატარა ბიჭი და წლების მერე, მივხვდი, რომ ეს იყო შეცდომა.

და ბოლოს, ქართულ ფეხბურთში დიდი ხანია კარგი არაფერი ხდება. ქართული ფეხბურთი, რომელიც 11 წლის წინაც უშანსოდ იყო შესარჩევ ეტაპსა თუ საკლუბო ტურნირებზე, და, საქართველოს ნაკრები, რომელიც ფარერის კუნძულებზე ადვილად იგებდა, დღეს უკვე იმავე ქვეყნაში სამარცხვინოდ თამაშობს. და, ყველაზე ცუდი ისაა, რომ ეს ქართული ფეხბურთის ხვალინდელი დღეა – და, მაინც: ისევ იქნება წილისყრა, ისევ დაიწყება შეფასება, ისევ დაითვლება წინასწარ ქულები, ისევ დაიგეგმება ფინალური ეტაპი. ისევ მოხდება შედარება და ისევ ითქმება, რომ ჰერ კლაუსი უფრო მაგარია, ვიდრე რაიმონ დომენეკი - ჩვენ ისევ მოვწყდებით რეალობას და თვალს გავუსწორებთ ოცნებას...

სარეკლამო ადგილი - 25
710 x 104
Loading...

კომენტარები (14)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
10:35 | 13.10.2017
tomasz (904)

აუ რა ფეხბურთელები გვყავს ხო არ ღადაობთ რა :დდდ
ვინაა სპორტსმენი ვინ კაცო 50 წუთის მერე რო **კში კუილს ვერ იკავებს ადამიანი ის სპორტსმენი არაა რით ვერ შეიგნეთ ტიპები გადაბმულად 2 თამაშს არ თამაშOბენ (90%) კლუბებში და იმათ ვერც მოსთხოვ სირბილს და ეს უთამაშებელი დამდგარი ხალხი არის საუკეთესოები
მოყავთ აქ ისლანდიის მაგალითები და უელსის... ჯანმრთელი არაფეხბურთელი ისლანდიელი რო დაუყენო ნაკრების უთამაშებელ იგროკებს ფორას მიცემს და მაინც აჯობებს გამძლეობაში უელსელები საერთოდ პრემიერლიგის გუნდებში რო ვერ ხვდებიან სუ ***ეზე იკიდებენ ყველაფერს და დაბალ ლიგებში მიდიან სათამაშოდ
ესაა სხვაობა იმათ გააჩნიათ სპორტული მოტივაცია უნდათ თამაში უყვართ ეს თამაში შეიძლება მაინცდამაინც ტექნიკურები არ არიან მაგრამ სამაგიეროდ სხვა ასპექტებს ავითარებენ და შედეგიც აქვთ, ჩვენებს კიდე არც უყვართ ეს სპორტი (სამარიაჟოდ უნდათ) და შესაბამისად არც უნდათ კარიერული წინსვლა განვითარება მომატება თამაში რა
და აქ კიდევ როდემდე უნდა იყოს ეს სტერეოტიპი რო "ვაიმე ვინ თქვა რო ფეხბურთელები არ გვყავს".... პრობლემა თუ გინდა მოაგვარო ჯერ უნდა დაინახო ჩვენ კიდე ილუზიებში ვართ სულ აი სულ დიახაც არ გვყავს ფეხბურთელები არ გვაქ ჩემპიონატი ფარერებზე უკან ვართ გაუსწორეთ თვალი რეალობას... ამ ნაგავზე დაფუძნებულ სისტემაში ფულის ჩადება პოპულიზმი და ფულის ფლანგვაა

21:07 | 12.10.2017
UNITY (6713)

"ჩვენ ერთი გუნდი ვართ", თუ ერთი გუნდი არა ერთი დონის მაინც..... ხო გულშემატკივრებს, ჩვენ თავს ვგულისხმობ...

21:08 | 12.10.2017
UNITY (6713)

ჟურნალისტებიც ჩვენ გუნდში ხართ... "ზაპასში"..

23:52 | 12.10.2017
aulol besoi (352)

კაი სასტავია...
ადრე უფრო ხშირად ჩანდი, მოგბეზრდა ალბათ წყლის ნაყვა...

19:25 | 12.10.2017
მადრიდისტა (17003)

ნაკრები რო ფარჩაკი გვყავს და ფეხბურთელებიც ერთმანეთზე ვარესი ფარჩაკები არიან ისედაც ვიცით, მაგრამ ეს იმას არ ნIშნავს რომ ფედერაციამ და მწვრთნელმა პასუხისმგებლობა მოიხსნან. ასეთი უავარრგისი და არაფრისმაქნისი ფედერაცია ჯერ არ გვყოლია ცირკაჩიც კი ჯობდა, იმათ დროს ფარერებთან მაინც არ ვსაზიზგრდებოდით და 1-და 19 წლამდელებში მაინც გვქონდა შედეგი. ახლა ეს უნამუსოები ვაის ვინ ჩივის გეგუჩაძესაც კი არ ხსნიან. ეს ყველაფერი კი იმის ბრალია რომ საძმაკაცო და სალოთაო გახადეს ფედერაცია ფულის საჭრელი მანქანაა კობი-კალაძეს კლანისათვის, მაგენი ფეხბურთელობის დროსაც კაი ბიჭები იყვნენ და ახლა ხო საერთოდ.ჟირესიდან დაწყებული ვაისით დამთავრებული ყველა მწვრთნელი მინახავს ამ ნაკრებში და ერთადერთი შედეგი დასაწყიში მაინც ვინც დადო ეს ქეცბაია იყო სანამ ერთად დგომა იყო მერე კი სწორედ ძმაკაცობამ და კლანურმა შეთქმულებამ გადაიყოლა ქეცბიაც და ნაკრებსაც საერთოდ დედა მო.... , ცხადაძემ სცადა სიტვაციის გამოსწორება მაგრამ ისევ ეს ძმაკაცობა და ფულის ჭრა და ისიც მოიშორეს...ახლა გეგუჩაძის შეტენვა უნდოდათ მაგრამ მგონი ჩაეშალათ ( არა გამორიცხული მაინც შეტენონ ისეთი უთავმოყვარები არიან), მიუხედავად ამ ყველაფრისა ნორმალური ფედერაციისა და ნორმალური მწვრთნელის ხელში კარგი ნაკრების დაყენება შეიძლება.
მე ასე ვისურვებდი:
-----მაკარიძე-------
კაკაბაძე-კაშია-კვირკველია(ხოჭოლავა)--ლაკვეხელიანი
--კვეკვესკირი(კანკავა)---გვილია(აბურჯანია)----
ოქრიაშვილი-----ყაზაიშვილი------ანანიძე
------------ვაწაძე-----------------
სკამიც არის რა : ლორია დვალი იაშვილი ნავალოვსკი ქოჩორაშვილი არაბული სხირტლაძე მელქაძე ტაბიძე ხარიაშვილი ბერიძე კუცია ებრალიძე ....

23:37 | 12.10.2017
maradona73biankoneri (12317)

გაუმარჯოს ძმა, როგორა ხარ? კაი ხანია არ გვისაუბრია

ეხლა შენს შერჩეულ ძირითად შემადგენლობას დავაკვირდი და ერთ რაღაც შევამჩნიე - მოთამაშეების 90 % თავისი კლუბის ძირითადში არ თამაშობს (კაშიას და კვირკველიას გარდა)

რა კლუბებში ტამაშობენ ეგ კიდევ დამატებით სხვა საკითხია. ალბათ მიხვდი რაზე ვაკეთებ აქცენტს.

მე იმის თქმა მინდა რომ ვაისი არაფე შუაშია, ისევე როგორც კოკოშკოვი.

10:49 | 13.10.2017
tomasz (904)

სასიამოვნო ძველი ხალხის ნახვა
მით უფრო ასე სწორად ნააზროვნებ რამეს რო წერენ +++

23:40 | 12.10.2017
maradona73biankoneri (12317)

ფედერაციაზე, კალაძეზე და კობიაშვილზე გეთანხმები რა თქმა უნდა. მე ამას თავიდანვე ვიძახდი, რომ ტუპოი კობიაშვილი ყოველთვის ვიღაცის ფინია იყო, ფიფიას თუ კალაძის - მაგას დიდი მნიშვნელობა არ აქვს - მთავარია ფინია იყო.

23:42 | 12.10.2017
maradona73biankoneri (12317)

ხო, იმის გვარი დამავიწყდა ძალიან ტუპოი სახე რომ აქვს, სპორტის მინსტრის.

17:15 | 13.10.2017
shakooo7 (2207)

ტუპოი სახე აქვს თუ სომეხის სახე?

18:17 | 12.10.2017
ბაგი-რეი (833)

მუნიციპალიტეტების გუნდები იმაზე მეტ დაფინანსებას ღებულობენ ვიდრე სოციალური დახმარებისთვისაა გასაცემი თანხა. ან სანიაღვრე არხზე დაიხარჯება. ასე რომ ძალად ფეხბურთი არ ვარგა.

17:10 | 12.10.2017
O. Mertskhali (1107)

ეს ოპტიმიმზი გამომდინარეა მაქსიმაზილმიდან და ეს მაქსიმალიზმი საიდან გამომდინარეობს, მაგაზე ლაპარაკი შორს წაგვიყვანს, თუმცა რეალობას მოწყვეტილი ნამდვილად არ ვართ (ნუ, უმეტესობაზეა საუბარი და არა ერთ და ორ კომენტარზე თუ სტატიაზე)... იგივე, ბოლო შესარჩევში, გამოჩნდა, რომ ცოტა გამართლების და ლიდერების ჯანმრთელად ყოფნის შემთხვევაში საკმაოდ ბევრი ქულის დაგროვება შეგვეძლო...
მაგრამ ყველაზე უფრო მაღიზიანებს, რომ იწერება ასეთი ზოგად-მიმოხილვითი სტატიები და არსად ნახსენები არაა მსაჯები! გაიგეთ ბოლოს და ბოლოს, რა კონტექსტებია მსოფლიოში! ჩვენნაირი პატარა ქვეყნის ბედი ძალიან მძიმეა და ჩვენი ფეხბურთელებიც, შეიძლება ითქვას 'მრავალტანჯულნი' არიან... ახლა, ვიღაც იტყვის, რომ აბა ისლანდიელები და სხვა პატარა ქვეყნები როგორ აღწევენ წარმატებასო: საქმე იმაშია, რომ ისინი არიან კონკრეტული 'ქუდის' ქვეშ, ანუ, ამ შემთხვევაში, არიან ნამდვილი ევროპელები და აქვთ მათგან ყველანაირი ხელშეწყობა (ლეგიონერად არ ითვლებიან და ა.შ.)... ჩვენ ვართ 'უთვისტომო', ანუ მკვეთრად გამორჩეული (განსხვავებული) ხალხი და არავის ვეპიტნავებით...
ვარდისფერის სათვალით ცხოვრების ყურება გვღუპავს, თუ გვღუპავს... ანგელოზი არავინ არაა და მეტ-ნაკლებად ყველა ცდილობს მისიანის ხელშეწყობას... ერთი ქართველი ფეხბურთელი მითხრას ვინმემ ვინც ისეთი კარიერა გაიარა მის ნიჭს რომ ეკადრებოდა... თუ, ყველა ზარმაცი იყო? იგივე ჩვენს ყველაზე გამორჩეულ ლეგიონერებსაც, რაც თავი მახსოვს, სულ ქონდათ 'სასტავში' მოხვედრის პრობლემა...
შემთხვევითი არაა, რომ ყველა, ჩვენთვის მნიშვნელოვან, სპორტში გვაქვს მეტ-ნაკლები წარმატება და მანდამაინც ფეხბურთში არა... ეს იმიტომ ხდება, რომ აქ ყველაზე მეტი ფული, სახელი და პოლიტიკაა, შესაბამისად მაფიაც აქაა ყველაზე დიდი და ვიჩაგრებით... მინუსები ვის არ აქვს და ჩვენც არაერთი მინუსი გვაქვს, რა თქმა უნდა, მაგრამ წარუმატებლობის თავი და თავი ეს არაა... მითუმეტეს ფეხბურთს არ ჭირდება 'დიდი პროფესორობა'...
და კიდევ ერთი: თქვენ თუ ქართული ფეხბურთისთვის სიკეთე გინდათ, იმაზე იყვირეთ რომ ეს მუნიციპალიტეტის კლუბები გადაშენდეს და ჩამოყალიბდეს ნორმალური საფეხბურთო მეურნეობა ქვეყანაში, მაგრამ არა! ...აქაც დიდი მაფიაა
რა თქმა უნდა, როდესღაც ქართული ფეხბურთიც დალაგდება (ნუ, თუ ქართველები წითელ წიგნში არ გადავსახლდით) თუმცა, ახლა, ეტყობა, ქართველობის ლანძღვა გინებაა მოდაში

10:42 | 13.10.2017
tomasz (904)

რეებს ბაზრობ რა
მსაჯებიო ჩემი ხო აი მსაჯებს დაბრალდეს და "მაფიას" ჩვენი უნიათობა და კარგად გავძLიერდებით
ნიჭს რო ეკადრებოდა ისეთი კარიერა? გინდა ფეხბურთში ფაჩულია გინდა ფეხბურთში კალაძე არცერთი არ იყო მისი თაობის ან თუნდაც ზოგადად გამორჩეულად ნიჭიერი მარა არ ეზარებოდათ იგივე კალათბურთში ცქიტიშვილისგან ფეხბურთში კიდე მაგალითად ქინქლაძისგან განსხვავებით შრომა და ორივემ იმ სიმაღლეს მიაღწია კარიერაში რაც მის დროზე წარმოუდგენელი იყო მსოფლიოს საუკეთეს გუნდებში ითამაშეს
აი ესაა სიმართლე ვისაც რამის მიღწევა უნდა და შრომა არ ეზარება ყველაფერს აღწევს და ასე გამოდის რომ დიახაც ჩვენი სპორტსმენების განსაკუთრებით ფეხბურთელების უმეტესობას ეზარება შრომა და არც უნდა რამის მიღწევა!!
ჩვენ კიდე ვიჯდეთ აქ და ვიძახოთ მსაჯებმა და მაფიამ დაგვღუპაო რა

23:53 | 12.10.2017
aulol besoi (352)

ნამეტანი ჩაგიხლართია დღეს...დდდ

18:15 | 12.10.2017
BEERTRANCE (94528)

რა შუაშია ქართველობის ლანძღვა, ანუ უნაკლოები ვართ და ეგ სულ ხელს გვიშლიან, საკუთარ თავში ხარვეზების ძებნა გამოსწორება არ გინდა. ჯერ შენ თავს მიხედე და მერე გარე სამყაროს.

19:44 | 12.10.2017
O. Mertskhali (1107)

პირის ნაცვალსახელების მრავლობითში გადაყვანა არ 'გევასება'? DDDD
...თუ 'იმენა' ჩემთან გაქ პრობლემა?

09:38 | 13.10.2017
BEERTRANCE (94528)

რაზე გამოიხატა პრობლემის ქონა 1 DDDDDDDDDDDDDDDDDDDDDDDDDDD

კიდე კაი ნომრის დაწერები რო არ მოითხოვე DDDDDDDDDDDDDDDDD

21:11 | 12.10.2017
UNITY (6713)

მუნიციპალიტეტის გუნდები გასაუქმებელია, მაგრამ ქომაგების/უბნების/ქალაქების გუნდები რომ არ არის ეს ჩვენი, გულშემატკივარის ბრალია.

22:35 | 12.10.2017
O. Mertskhali (1107)

კი, გეთანხმები: საქართველოში, ხალხის აყოლიება რამე საქმისთვის ძაან ძნელია (ასე ვთქვათ, ყველა მისას 'უბერავს'), თორემ იგივე სააქციო საზოგადოების ჩამოყალიბებაც შეიძლება, მარა რეალობა ისაა, რომ 10 კაცის მოგროვებაც ჭირს, მინი ფეხბურთი მაინც რომ ითამაშო კაცმა, ხანდახან

17:02 | 12.10.2017
lashamax (596)

და რა მიზანი აქვს ამ სტატიის ავტორს?
რისი თქმა უნდა.
ალბათ იმის რომ ვართ ფარჩაკები და ვაიის და კობიაშვილს მადლობა უნდა უთხრათ რომ ვაგებთ მხოლოდ მინიმალურად.
ფარჩაკებისთვის ხომ ესეც შედეგია.
ალბათ გვამზადებენ იმისთვის რომ
ვაისი დარჩება, კვლავ წარუძღვება ჩვენს ფარჩაკ ნაკრებს. რათქმაუნდა ი ერთა ლიგიდანაც ვერ მოვახერხებთ გასვლას დაამის მიუხედავად კმაყოფილი ვიქნებით ვაისის მუშაობით და მადლობას ვეტყვით კოვიაშვილს

10:47 | 13.10.2017
tomasz (904)

არა ეგ არაა მიზანი
მიზანი ისაა რომ რეალობას თვალი გავუსწოროთ
რაც შეეხება კობიაშვილს ვაბშე არ ეხება მაგას უკვე ფეხბურთი და სპორტი იყო მზე და დარჩა მზედ მონა სულის ადამიანად პაიკად ჩმორიკად უფუნქციოდ

15:02 | 12.10.2017
akhali (10752)

რეალობას ყველა კარგად ხედავს ,აღითქვამს,არავინ ,,დაფრინავს,,მაგრამ მწვრთნელმა არსებული რეალობიდან ხომ უნდა დადოს მაქსიმუმი შედეგი?...10-დან მხოლოდ ორ თამაშში(ირლანდიაში და უელსში თამაშებში) შეიძლება არ გვქონდეს პრეტენზია ვაისის გადაწყვეტილებების მიმართ!...და ისიც ირლანდიაში და უელსში ვაისი იძულებული იყო ტრამვების გამო(ლობჟანიძე იყო ტრამვირებული და კანკავა,თორემ მეეჭვება ,რომ დაეყენებინა შემადგენლობაში კაკაბაძე და გვილია) შეიტანა ცვლილები..
..პირველი მატჩი:ავსტრია-როგორ უნდა დააყენო მაღალი დონის სპეციალისტმა 100 კგ ამისულაშვილი ძირითადში ?!... და კაშია საყრდენად?!.. და კვეკვესკირი სკამზე დატოვა!...სანამ ორი გოლი არ გავუშვით(და ორივე ზუსტად მაგ მიზეზებით და პლიუს ლობჟანიძის გამო),მანამდე გუნდი არ იყო!..ასეთ უპატიებელ შეცდომას საერთოდ მწვრთნელი არ უნდა უშვებდეს!
...მოლდოვაში გასვლაზე შემადგენლობა სრული კატასტროფა იყო!..საერთოდ აზრზე არ უნდა იყო ფეხბურთის,როცა მოლდოვაში ლობჟანიძე, დვალიშვილით და სამი საყრდენით(სამივე ჩამშლელი!) შემადგენლობას გამოიყვან!...გაგვიმართლა ისევ და ლობჟანიძემ ტრამვა მიიღო,ამასობაში ორი გოლი გავუშვით და იძულებული იყო შეტევის გაძლიერების...ქულა გადავარჩინეთ თამაშში,რომელიც უპრობლემოდ უნდა მოგვეგო!..
თბილისში მოლდოვასთან-1-1-ზე გვილია გამოცვალა,რომელიც მაშინ მაგარ ფორმაში იყო, პასს(!) აკეთებდა ...მის მერე მომენტიც ვერ შევქმენით,ბოლო წუთებზე გადავრჩით წაგებას(მაგარი მომენტი ქონდა მოლდოვას)მატჩში,რომელშიც სამი ქულა უნდა აიღო!,თუ მოლდოვას ჩვენზე კარგი ფეხბურთელები ყავს?!
...საბოლოოდ როცა მწვრთნელი იტყვის,რომ ფეხბურთლები არ მყავს და რა გინდათო...ის უნდა წავიდეს!...
ფეხბურთელები?...რატომ არაფერი არ გააკეთა გოგიასთან მიმართებით?!..ფედერაციამ ვერ გააკეთა,პირადად ჩადი,დაელაპარაკე! ...ვიცი ,რომ გოგიას უნდა,მაგრამ არ ვიციო თუ ვჭირდები საქართველოს ნაკრებსო(ვიცი ეს სიტყვები ერთ-ერთი ჟურნალისტისგან,რომელიც პირადად ესაუბრა გოგიას!და რაც ორმაგი მოქალაქეობაა პრობლემა! კეთდება!)მნაგრამ გოგია ვერ ხედავს დაინტერესებას საქართველოდან)..და ვაისმა არაფერი გააკეთა გოგიას მიმართებით!
-ფარცვანია-რატომ არ გაუკეთდა აქამდე მოქალაქეობა?!
-ჯიქია-აქ უფრო რთულად იყო საქმე,მაგრამ ,,გასაკეთებელი, იყო ევროპული კლუბი ,სანამ ჯიქია თამაშობდა ამკარში და ჯიქია ითამაშებდა საქართველოს ნაკრებში!
...მთავარი-ვაისმა ვერ დადო თუნდაც ამ შემადგენლობით მაქსიმუმი შედეგი!...
რომ გვყავდეს ტოპ-ფეხბურთელები,მაშინ საშუალო დონის მწვრთნელიც დადებდა შედეგს!..მაგრამ არსებული რესურსებით ,არ გვაქვს ფუფუნების უფლება საშუალო დონის მწვრთნელის შეცდომების გამო ვანიავოთ ქულები

16:27 | 12.10.2017
O. Mertskhali (1107)

+

16:02 | 12.10.2017
geogoli (825)

ნუ გადატეხავ ჯოხს მაინცდამაინც ვაისზე, არც სხვა მწვრთნელებს მოუწყვეტიათ ვარსკვლავები და კიდე ბევრი ვერ მოწყვიტავს საქართველოს ნაკრებთან ერთად. ერთი-ორი თამშის მოგება სურათს ვერ ცვლის - დონე არის ძალიან დაბალი

14:49 | 12.10.2017
akhali (10752)

რეალობას ყველა კარგად ხედავს ,აღითქვამს,არავინ ,,დაფრინავს,,მაგრამ მწვრთნელმა არსებული რეალობიდან ხომ უნდა დადოს მაქსიმუმი შედგი?...10-დან მხოლოდ ორ თამაშში(ირლანდიაში და უელსში თამაშეში) შეიძლება არ გვქონდეს პრეტენზია ვაისის გადაწყვეტილების მიმართ!...და ირლანდიაში და უელსში ვაისი იძულებული იყო ტრამვების გამო(ლობჟანიძე იყო ტრამვირებული და კანკავა,თორემ მეეჭვება ,რომ დაეყენეინა შემადგენლობაში კაკაბაძე და გვილია) შეტანა ცვლილები..
..პირველი მატჩი:ავსტრია-როგორ უნდა დააყენო მაღალი დონის სპეციალისტმა 100 კგ ამისულაშვილი ძირითადში ?! და კაშია საყრდენად?!// და კვეკვესკირი სკამზე დატოვა!...სანამ ორი გოლი არ გავუშვით(დაორივე ზუსტად მაგ მიზეზებით და პლიუს ლობჟანიძის გამო),მანამდე გუნდი არ იყო!..ასეთ უპატიებელ შეცდომას საერთოდ მწვრთნელი არ უნდა უშვებდეს!
...მოლდოვაში გასვლაზე შემადგენლობა სრული კატასტროფა იყო!..საერთოდ აზრზე არ უნდა იყო ფეხბურთის,რომ მოლდოვაში ლობჟანიძე, დვალიშვილით და სამი საყრდენით(სამივე ჩამშლელი!) შემადგენლობას გამოიყვან!...გაგვიმართლა ისევ და ლობჟანიძემ ტრამვა მიიღო,ამასობაში ორი გოლი გავუშვით და იძულებული იყო შეტევის გაძლიერების...ქულა გადავარჩინეთ თამაშში,რომელიც უპროლემოდ უნდა მოგვეგო!..
თბილისში მოლდოვასთან-1-1-ზე გვილი გამოცვალა,რომელიც მაშინ მგარ ფორამში იყო პასს აკეთებდა ...მის მერე მომენტიც ვერ შევქმენით,,,ბოლო წუთებზე გადავრჩით წაგებას(მაგარი მომენტი ქონდა მოლდოვას)
...საბოლოოდ როცა მწვრთნელი იტყვის,რომ ფეხურთლები არ მყავს და რა გინათო...ის უნდა წავიდეს!...
ფეხბურთელები?...რატომ არაფერი არ გააკეთა გოგიასთან მიმართებით?!..ფედერაციამ ვერ გააკეთა,პირადად ცადი ,,დაიკიდე თუ არ უნდათ და თვითონ გადადგი ნაბიჯი,რომელიც შესაძლოა არ მოსწონთ ფედერაციასი,მაგრამ შენ თუ ხარ კატეგორიული და რა უსიტყვოფ მორჩილი ფედერაციია...ჩადი გერმანიაში და დაელაპარაკე გოგიას!ვიცი ,რომ გოგიას უნდა,მაგრამ არ ვიციო თუ ვჭირდები საქართველოს ნაკრებსო(ვიცი ეს სიტყვები ერთ-ერთი ჟურნალისტისგან,რომელიც პირდადა ესაუბრა გოგიას!და რაც ორმაგი მოქალაქეობაა პროლემა! კეთდება!)მნაგრამ გოგია ვერ ხედავს დაინტერესებას საქართველოდან)
-ფარცვანია-რატომ არ გაუკეთდა აქამდე მოქალაქება?!
-ჯიქია-აქ უფრო რტულად იყო საქმე,მაგრამ ,,გასაკეთებელი, იყო ევროპული კლუბი ,სანამ ჯიქია თამაშობდა ამკარში და ჯიქია ითამაშებდა საქართველოს ნაკრებში!
...მთავარი-ვაისმა ვერ დადო თუნდაც ამ შემადგენლობით მაქსიმუმი შედეგი!...
რომ გვყავდეს ტოპ-ფეხბურთელები,მაშინ საშუალო დონის მწვრთნელიც დადებდა შედეგს!..მაგრამ არსეული რესურსებით ,არ გვაქვს ფუფუნების უფლება საშუალო დონის მწვრთნელის შეცდომების გამო ვანიავოთ ქულები

14:34 | 12.10.2017
luka1977 (222)

დღევანდელი ფეხბურთი რა დღეშიც არის საქართველოში ჟურნალისტების დამსახურებაც არის გააშუქეთ ობიექტურად რა ხდება ფეხბურთში. მარტო სანაკრებო თამაშების მერე რომ გახსენდებათ ფეხბურთის მდგომარეობა საქართველოში.ჯანსაღი კრიტიკა წარმატების საწინდარია. საზოგადოებაც გვერდზე დაგიდგებათ.

13:23 | 12.10.2017
BEERTRANCE (94528)

დაგიწყიათ საფხიზლოზე გამოსვლა DDDDDDDDDDDDDDDDDDDDD

მარა კიდევ 1-2 ალიყური ჭირდება ხალხს, კარგად რო გაიაზრონ DDDDDDDDDDDDDDDD

13:14 | 12.10.2017
tomasz (904)

ფარერები ახსენეს და მაგრად პროგრესირებს ეგ გუნდი
ნუ იმათი მომავალი რო უფრო ნათელია გამოჩNდა უკვე ;დ
და ეს უეფას მზეობა ლიგა სომხეთისთვისაა ბელორუსს მოუგებს და გავა პირველზე

12:48 | 12.10.2017
skyww (521)

მეც მახსოვს ეგ სტატია სარბიელი იყო ეგ გაზეთი მგონი პატარა ვიყავი მაშინ მეც. და ფარერებს რო მოუგეტ სტატიას სათაური ქონდა ნუ იტყვით "დაგვებედოს პირველი ადგილი" 1 თვით ადრე გვკონდა ჩვენ მგონი თAმაში ყველა ნაკრებზე

12:13 | 12.10.2017
კორბენ კირილეს ძე კვინტრაია (8410)

რას ვიზამთ, ყოველი ახალი შესარჩევის წინ "ვბაქიბუქობთ" ხოლმე...
ახლა კი, როცა შესარჩევების იმედიც საბოლოოდ დავკარგეთ, უეფამ გვიჯიგრა, რაღაც ახალი Y...ბა მოიგონა და მორიგ ხავსს ჩაგვაჭიდა - აჰაათ ჯიგრებო, გააგრძელეთ ტყუილი ნძრევაო...
ჰოოდა, ჩვენც უწინდებურად "იმედიან ტალღაზე" ვსერფინგობთ, ამ ზღვაში ხომ ზვიგენები არ არიან
ჩვენ არაპრაგმატული ხალხი ვართ და მთავარს ვერასდროს ვერ მივხვდებით - შიშველი უკანალით ზღარბებს ვერ შევაშინებთ, ვერაა !!!

13:23 | 12.10.2017
BEERTRANCE (94528)

ისევე ვიტყვით სულ ცხვირი ვურტყით ფეხშიო DDDDDDDDDDDDDDDDDDDDDDDDDDDDDDD

12:35 | 12.10.2017
salazar (1204)

ეგეთი ყ..ობა უეფამ ლიგაზე 10 წლის წინ მოიფიქრა. უკიდურესად გაამარტივა ლიგაზე მოხვედრა ჩვენი დონის კლუბებისთვის, მაგრამ არათუ მოვხვდით ახლოსაც ვერ მივედით.

12:38 | 12.10.2017
cerber1 (207)

ხო მართალია,სამაგიეროდ ყარაბახმა იხეირა

12:00 | 12.10.2017
cerber1 (207)

რეალობა კი დაწერე,მაგრამ მოვა სასტავი და კრიტიკის ქარ ცეცხლში გაგატარებენ

სამწუხაროდ ფეხბურთს არათუ ეშველა,მაგრად დაერხა კიდეც

სარეკლამო ადგილი - 22
250 x 250
0.183463