სარეკლამო ადგილი - 3
227 x 91
ფეხბურთი

16:57 | 4.10.2017 | ნანახია 2083 - ჯერ

ლევან კობიაშვილის ინტერვიუ Berliner Zeitung-თან: “სწორ გზას ვადგავართ”

გერმანულ გამოცემა Berliner Zeitung-ში ლევან კობიაშვილის ინტერვიუ გამოქვეყნდა. როგორც იცით, საქართველოს ფეხბურთის ფედერაციის ამჟამინდელმა პრეზიდენტმა მოთამაშის კარიერა ბერლინის “ჰერტაში” დაასრულა. ამ კლუბში, ისევე როგორც სხვაგან, არაერთი დასამახსოვრებელი მატჩი ჩაატარა.

ინტერვიუს მცირე შემოკლებით გთავაზობთ:

- სალამი თბილისს! რთულია, საქართველოს ფეხბურთის ფედერაციის პრეზიდენტი ტელეფონზე სასაუბროდ მოიხელთო.

- ასეა. ხშირად დავდივარ საქართველოს ერთი ქალაქიდან მეორეში, ასევე, უცხოეთშიც. მაგალითად, უეფას კონგრესზე. და რა თქმა უნდა, ჩვენს ნაკრებსაც დავყვები. დრო ხშირად არ მაქვს.

- ორი წელიწადი გავიდა მას შემდეგ, რაც თქვენს ყოფილ თანაგუნდელ რევაზ არველაძეს არჩევნებში 18:15 მოუგეთ ხმების მიხედვით. რამდენად რთულია ახალ პოსტზე მუშაობა?

- თავიდან საკმაოდ რთული იყო. პრობლემები იყო და ახლაც არის. ბევრი იდეა მქონდა, მაგრამ თანხის მოზიდვა დამჭირდა, რათა ეს განმეხორციელებინა. ფედერაციაში კარგი გუნდი ვართ, სტრუქტურის შეცვლა შევძელით და უფრო ეფექტური გავხადეთ. ორი წლის განმავლობაში, საკმაოდ ბევრი გავაკეთეთ.

- კონკრეტულად, რა?

- უპირველესად, სამოყვარულო ფეხბურთი, სადაც დაახლოებით 8000 კაცი თამაშობს. საამისოდ საკამოდ ძლიერი ლიგა შევქმენით. ფუტსალში აშკარა პროგრესია, ახალი ლიგა ჩამოყალიბდა და უკვე ძლიერი ეროვნული ნაკრებიც გვყავს. არ დაგვავიწყდეს ქალთა ფეხბურთი, რომელიც პროგრესირებს.

- თუმცა ქვეყნის მთავარი ნაკრები წინ ვერ მიდის და ჩემპიონატიც ვერ არის ძლიერი. ხომ ასეა?

- საქართველოს უმაღლეს ლიგაში 16 გუნდი გამოდიოდა და გახლეჩილობა იყო, სათამაშო დონეში დიდი სხვაობით. ახლა 10-გუნდიანი ლიგები გვაქვს, კონკურენცია გაიზარდა და ყველა გუნდი ბოლომდე იხარჯება თითოეულ მატჩში. ეს კი ხარისხსაც მატებს. ორ გუნდს ფლეი-ოფში თამაში მოუწევს, ესეც ზრდის დაძაბულობას. ანუ, დონემ იმატა.

- ახლა რომელი კლუბები არიან საუკეთესოები?

- თბილისის “დინამო” და ქუთაისის “ტორპედო”.

- გულშემატკივრების დასწრების მხრივ როგორ არის საქმე?

- იშვიათად 10 000 ესწრება, ხოლო პატარა ქალაქებში – 7000-8000. ნებისმიერი თამაშის ნახვა შესაძლებელია. ტელევიზიით ერთია და ინტერნეტითაც ფართოდ შუქდება ჩემპიონატი.

- ნაკრებს 2018 წლის მუნდიალზე გასვლის შანსი არ აქვს.

- ჯგუფში, სადაც სერბეთი, ავსტრია, ირლანდია, უელსი და მოლდოვა გვყავდა, რთული მატჩები გვქონდა. თუმცა არაერთ შეხვედრაში კარგად ვითამაშეთ და შედეგის მხრივაც, უელსსა და ავსტრიაში ფრეები ცუდი არაა. ჩვენ ხშირ შემთხვევაში ვჯობდით მეტოქეს და მჯერა, ნაკრებს მომავალი აქვს.

- ანუ, ვლადიმირ ვაისის მუშაობით კმაყოფილი ხართ?

- ბოლო წლებში ნაკრებში მწვრთნელები იცვლებოდნენ. ვაისი კარგად აკეთებს თავის საქმეს. მიზანი კი 2020 წლის ევროპის ჩემპიონატზე გასვლაა.

- ყველაზე დიდი პრობლემები რაში გაქვთ?

- მეტი ფინანსებია საჭირო, რათა ჩვენი სტრუქტურები გავაუმჯობესოთ. სპონსორთაგან ინტერესი მატულობს და ვფიქრობ, სწორ გზას ვადგავართ.

სარეკლამო ადგილი - 25
710 x 104
Loading...

კომენტარები (11)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
11:07 | 05.10.2017
BEERTRANCE (94528)

აი მთვრალს რო გონია სწორად მივდივარო და სინამდვილეში ოღრო-ჩოღროდ რო მიდის და ხოხავს კიდეც, ეგრეა ამის საქმე.

22:52 | 04.10.2017
federerjamesliverpooldelpotro (5109)

წინსვლა არის მაგრამ ძალიან დაბალი დონით წლების შემდეგ იმედიაქ დაფინანსების პროგრამა შედეგს გამოიღებს.სტადიონების მშენებლობებზეც კაი ამბებია მოკლედ ისევ იმედი იქნებ იყოს რამე

02:59 | 05.10.2017
tengocie (479)

+1

21:42 | 04.10.2017
leomadrid (643)

დიდ პატივს ვცემდი კობიაშვილს მაგრამ იცვლება ადამიანი და რა გინდა ქნა.ადრე სხვანაირად ლაპარაკობდა.აინყერესებდა რა ხდებოდა ცუდი.დღეს ამბობს რომ ყველაფერი კარგადაა და ბრმად სჯერა.ან სჯერა ან თავს იბრმავებ

20:54 | 04.10.2017
xandakeli (1485)

კაი ეხლა ეკაიფა ის ზურნალიტიც ევრო ტურნირებზე ხო იცოდა როგორც გამოვედით

20:19 | 04.10.2017
რაჭა (9150)

მე, ეტყობა სხვა ქვეყნის ჩემპიონატს ვუყურებ....

19:46 | 04.10.2017
lashamax (596)

თავმოყვარეობა ხომ მაინც უნდა გქონდეს კაცს ასე ღიად ურცხვად ტყუილებს რომ არახუნებ. ჩუმად მაინც იყავი, ნუ გამოჩნდები რომ არ გააღიზიანო ხალხი.
ვაისის კმაყოფილია თურმე კაცს თამაში არ აქვს მოგებული ორი წელია უკვე.
არცერთ კონტექსტში არ არის პროგრესი, უფრო რეგრესია ყველა მიმართულებით

19:24 | 04.10.2017
salazar (1204)

კი მეც მგონია, რომ სწორ გზაზე ვართ. ოღონდ გეგმა მინდა გრძელვადიანი მინიმუმ 6 წლიანი, მაგრამ ვერ იდება. ნუ ეგეც მესმის.. ბიუჯეტიდან უნდა დაფინანსდეს, ბიუჯეტიდან კიდე ამდენ თანხას ვერ მოითხოვ იმიტომ , რომ პენსიონერებზე და სოციალურად დაუცველებზე ნაწილდება, პლიუს ეკონომიკურ და კულტურულ პროექტებზე (ეს თეორიულად თორე ისე კი ვიცით სადაც ნაწილდება).
მე ისევ იმ აზრზე ვარ, საუკეთესო ფედერაცია რომელსაც მე პირადად მოვსწრებივარ. მაგრად მომწონს ეროვნული ჩემპიონატი. აი ცეცაძე აქ ბევრს არ გევასებათ, მაგრამ რო წავიდა მაგრად გამიტყდა, ძლიერი სამტრედია მისი ჩამოყალიბებულია.
საბურთალო, ლოკომოტივი მაგრად მომწონს. დინამოში და ტორპედოში ზრდის პროცესს ვერ ვხედავ სამწუხაროდ.
ჩემპიონატის ფორმატი მაგრად მომოწნს.
პლიუს გაშუქება და შეფუთვაც იდეალურია.
თამაშები პანტა-პუნტით აღარ იყიდება, თუ იყიდება პასუხსაც თხოვენ.
მოკლედ დაუნახავი არ ვარ, მაგრამ მეც იასნად მეტი მინდა ვნახო.

აი ევროთასებს რაც შეეხება ალბათ ყველა ვხვდებით, რომ დინამო თავის მალალეტკებით შედეგს ვერ დადებს, ტორპედოსი უფრო მეიმედება.
ლოკომოტივი, რომ ღირსეულად გამოვა ეჭვიც არ მეპარება (თუ გავიდნენ საერთოდ).
სამტრედიას ცეცაძის გარეშე კონკურენტუნარიანად ეროვნულშიც ვერ ვხედავ არათუ ევროთასებზე და თუ ვერცერთმა კლუბმა იმაზე ბევრად კარგი შთაბეჭდილება ვერ დატოვა ევროთასებზე რაც წელს ვნახეთ საერთოდ ხმას აღარ ამოვიღებ დავჯდები ჩუმად ან თქვენთან ერთად გავლანძღავ ამათ.

მაგრამ ჯერჯერობით ჩემპიონატის განვითარებით კმაყოფილი ვარ.

18:41 | 04.10.2017
LApaata (225)

კი ასე ათახსირებს ფული და თანამდებობა, ისეთ წესიერ და შრომისმოყვარე ფეხბურთელეს და ადამიანს როგორიც კობი იყო..))

18:34 | 04.10.2017
neeskensi (2384)

კარგი ფეხბურთელი იყო კობი...გული მწყდება მერე ხელისუფლებაში და პოლიტიკაში გადასვლის ამბიცია რომ უჩნდებათ და თავს იბანძებენ...

22:53 | 04.10.2017
federerjamesliverpooldelpotro (5109)

პოლიტიკაში წასვლა მართლა სულელური გადაწყვეტილება იყო

18:30 | 04.10.2017
LApaata (225)

კი სწორ გზაზე ვართ.. ტუნეში))) სიბნელეშია კობიაშვილიც რომ ვერ ხედავს ჩვენი გუნდების უსუსურობას ევრო თასების გამოსვლაზე. სირცხვილია პირეველ ეტაპს ვერცერთი გუნდი ვერ გასცდა და ეს რა კონკურენციაზე ლაპარაკობს? მუდმივად მომავალ შესარჩევის ლოდინის იმედადაც უკვე აღარავინ არ ვართ, ეს უკვე 25 წელია მეორდება. კარგი გუნდი ხართ ფედერაციაში და ქალაქებში თუ დადიხართ არჩევნები გადარდებთ, რომ როგორმე უფრო ამოივსოთ გაუმაძღარი მუცლები.

17:57 | 04.10.2017
Israel67 (133)

ეს თამაშებს მართლა ესწრებოდა თუ აქაურ სტატიებს კითხულობს. რა იშვიათად 10 ათასი ან რა პატარა ქალაქებში 7-8 ათასი? ამდენი ჯამში რომ შეკრიბო ყველა სტადიონზე არ იქნება. მეგობრებო ვინც მანდ ცხოვრობთ ეგებ შემისწოროთ თორემ მგონია რამე სხვა ა ლიგას ვუყურებ

სარეკლამო ადგილი - 22
250 x 250
0.091909