ფეხბურთი

20:50 | 25.09.2017 | ნანახია [] - ჯერ

"იუვენტუსის" პრეზიდენტი ფეხბურთიდან მოკვეთეს

ტურინის “იუვენტუსის” პრეზიდენტი ანდრეა ანიელი ფეხბურთს ერთი წლით ჩამოაშორეს. Football italia-ს ცნობით, ანიელის ამ დროის განმავლობაში ყოველგვარი საფეხბურთო საქმიანობა აეკრძალა. გარდა ამისა, დაჯარიმდა “იუვენტუსიც” – 300 000 ევროს ოდენობით.

აღსანიშნავია, რომ მოსამართლე, რომელიც ანდრეა ანიელის საქმეს კურირებდა, 2.5 წლიან დისკვალიფიკაციას ითხოვდა, მაგრამ იტალიის ფეხბურთის ფედერაციის გადაწყვეტილებამ 1 წელი შეადგინა.

საქმე ისაა, რომ ანიელის ბრალად ედებოდა კრიმინალური წარსულის მქონე ადამიანებთან ურთიეთობა და მათთვის ბილეთებისა და აბონიმენტების უკანონოდ მიყიდვა.

საგულისხმოა, რომ ანიელი ცოტა ხნის წინ ევროპის დიდი კლუბების ასოციაციის პრეზიდენტად აირჩიეს, სადაც კარლ-ჰაინც რუმენიგე შეცვალა. საინტერესოა, რომ მას ამ თანამდებობაზე მუშაობის უფლება ისევ ექნება და მხოლოდ "იუვენტუსთან" მიმართებაში იქნება საფეხბურთო საქმიანობას ჩამოშორებული 1 წლის განმავლობაში.

ანდრეა ანიელი “იუვენტუსის” პრეზიდენტი 2010 წელს გახდა. სწორედ მის სახელს უკავშირდება “ბებერი ქალბატონის” დაბრუნება ევროპული ფეხბურთის გრანდებს შორის. “იუვემ” ანიელის ხელმძღვანელობის დროს 6-ჯერ მოიგო იტალიის ჩემპიონატი, 3-ჯერ იტალიის თასი და სუპერთასი, ხოლო ორჯერ ჩემპიონთა ლიგის ფინალში გასვლა შეძლო.

0.112756