მადრიდის “რეალმა” და მარსელომ თანამშრომლობა განაახლეს. როგორც “სამეფო კლუბის” ვებგვერდი იტყობინება, ბრაზილიელი ფეხბურთელი “სანტიაგო ბერნაბეუზე” 2022 წლის 30 ივნისამდე დარჩება.
“რეალ მადრიდმა” და მარსელომ ახალი კონტრაქტი გააფორმეს 2022 წლის 30 ივნისამდე. მარსელო, ხუთშაბათს, 14 სექტემბერს, 14:00 საათზე, “სანტიაგო ბერნაბეუზე” პრესკონფერენციას გამართავს”, - ნათქვამია ესპანური კლუბის ოფიციალურ განცხადებაში.
მარსელო “რეალში” 2007 წელს, ჯერ კიდევ 18 წლის ასაკში გადავიდა. მას შემდეგ იგი გუნდის ლიდერად ჩამოყალიბდა და ამ დროისთვის 29 წლის მცველის ანგარიშზე 414 შეხვედრაა. ეს კი, მადრიდელთა ლეგიონერებს შორის მეორე შედეგია – პირველ პოზიციაზე 527 მატჩით რობერტო კარლოსია.
