34 წლის რუმინელი ნახევარმცველი რეზვან კოჩიში ამჟამად უკლუბოდაა. რატომ დავინტერესდით მისი ბედით? საქმე ისაა, რომ კოჩიშმა რუმინულ პრესასთან საუბარში განაცხადა, წინადადებები ქართული გუნდებიდანაც მაქვსო.

"თავისუფალი აგენტი ვარ. მაქვს კარგი შემოთავაზებები: თბილისის "დინამო" და "სამტრედია" მიწვევენ. ასევე, ავსტრალიის ერთ-ერთი გუნდიც. ეგზოტიკურ ქვეყნებში წასვლა მიზიდავს", - თქვა კოჩიშმა, რომელიც 2014-2016 წლებში "ჩიკაგო ფაიარში" თამაშობდა.

ყველაზე ძლიერი ევროპული კლუბი, რომელშიც კოჩიში იყო, მოსკოვის "ლოკომოტივია". საყრდენი ნახევარმცველი რუმინეთის ნაკრბში 2005-2014 წლებში გამოდიოდა და 50 მატჩში 2 გოლი გაიტანა.