სარეკლამო ადგილი - 3
227 x 91
სხვა

22:45 | 11.08.2017 | ნანახია 831 - ჯერ

ორჯონიკიძე: “ჩილესთან მატჩისთვის ძალები დავზოგეთ”

საქართველოს 19-წლამდელ ხელბურთელთა ნაკრების მთავარმა მწვრთნელმა ბექა ორჯონიკიძემ ისლანდიასთან 42:25 მარცხის შემდგომ WORLDSPORT.GE-სთან მატჩი შეაფასა და აღნიშნა, ჩილესთან გამარჯვება ჯგუფიდან გასვლის ტოლფასია და ამისათვის დღევანდელ მატჩში ძალების დაზოგვა მოგვიწიაო.

"ძალიან ცუდი სტარტი გვქონდა, რამაც გამოიწვია დანარჩენი. შემდეგ თითქმის ძირითადი შემადგენლობა შევცვალე და მეორე გუნდით ვითამაშეთ. აქ უკვე გათვლა იყო ის, რომ ჩილესთან თამაშისთვის შემოვინახოთ ძალები. რადგან იმ თამაშისთვის უფრო დასვენებული იყოს გუნდი. ეს მთავარი საზრუნავია, რადგან ჩილესთან გამარჯვებით უნდა გავინაღდოთ ჯგუფიდან გასვლა.

ვერ ვიტყვი, რომ ძალები თავიდანვე დავზოგეთ, თუმცა სიტუაციის მიხედვით მოგვიწია ასე მოვქცეულიყავით. ასევე გავუფრთხილდით ძირითად მოთამაშეებს, რათა მათ ტრავმები არ მიეღოთ. ჩილესთან მთლიანად დავიხარჯებით და მაქსიმალურად ვეცდებით გავიდეთ ჯგუფიდან.

გულშემატკივრის ფაქტორი ყოველთვის დამატებითი მოტივაციაა. დღევანდელ თამაშზე ვერ ვიტყვი, რომ მრავლად იყვნენ, თუმცა ვინც იყო, ბოლომდე დაგვიდგა გვერდში და მადლობა მინდა მათ გადავუხადო”, - გვითხრა ორჯონიკიძემ.

საქართველოს 19-წლამდელ ხელბურთელთა ნაკრები მომდევნო მატჩს გერმანიის წინააღმდეგ, 12 აგვისტოს, 18:00 საათზე ჩაატარებს.

სარეკლამო ადგილი - 25
710 x 104
Loading...

კომენტარები (2)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
03:22 | 13.08.2017
პანტელეიმონი (3117)

ჩილესთან მხოლოდ გამარჯვება ! ! !

12:53 | 12.08.2017
BEERTRANCE (93483)

იმედია შეძლებენ ჩილეს დამარცხებას.

სარეკლამო ადგილი - 9
250 x 250
სარეკლამო ადგილი - 22
250 x 250
0.180054