ფეხბურთი

18:53 | 7.08.2017 | ნანახია 3382 - ჯერ

დავით ვოლკოვი:  "ასე კომფორტულად თავი არსად მიგრძნია"

ეროვნული ლიგის 21-ე ტურში, კვირას გამართულ დედაქალაქურ დერბიში "საბურთალომ" "ლოკომოტივს" უმასპინძლა და ექვსი უპასუხო გოლი გაუტანა (VIDEO). 29 წუთში ჰეთ-თრიქი მიითვალა საბურთალოელთა ახალწვეულმა დავით ვოლკოვმა.

22 წლის ფორვარდმა მატჩის შემდეგ კლუბის პრესსამსახურთან ისაუბრა.

დავით ვოლკოვი: „საჭირო და მნიშვნელოვანი 3 ქულა მოვიპოვეთ, თან უშუალო კონკურენტთან. ვფიქრობ, მწვრთნელის დავალებები 100 პროცენტით შევასრულეთ, რამაც განაპირობა ჩვენი გამარჯვება. სიმართლე გითხრათ, ამხელა ანგარიშით მოგებას არ ველოდი, თუმცა ჩვენთვის ყველაფერი კარგად დაიწყო და ასევე დასრულდა“.

- თქვენს მიერ გატანილ გოლებს როგორ გაიხსენებთ?

- მესამე გოლის დროს მცველების შეცდომით ვისარგებლე და ისე გავიტანე. პირველი და მეორე ბურთები კი მთლიანად თანაგუნდელების დამსახურებაა - ჯერ ლაშა შინდაგორიძისგან მივიღე მშვენიერი გადაცემა, შემდეგ კი გიორგი ხარაიშვილისგან.

- ერთ-ერთი გოლი განსაკუთრებით აღნიშნეთ. ვის მიუძღვენით?

- ჩემს მეგობარს, ზურაბ ჯაფიაშვილს, რომელმაც რამდენიმე დღის წინ ოპერაცია გაიკეთა. მინდა მას, მალე გამოჯანმრთელება ვუსურვო.

- "საბურთალოში" მესამე წრის განახლებამდე ჩაირიცხეთ. როგორ შეეწყვეთ ახალ კლუბს?

- სიმართლე გითხრათ, ასე კომპორტულად თავი არცერთ გუნდში არ მიგრძნია. ძალიან მეგობრული და შეკრული გუნდია, მოხარული ვარ თბილისურ კლუბში თამაშით.

- საქართველოში რამდენიმე კლუბში გითამაშიათ - "დინამო", "სიონი", "ჩიხურა". რა განსხვავებებს ხედავთ?

- ყველა კლუბს თავისი სათამაში სტილი აქვს. "საბურთალო" ძალიან ახალგაზრდული და მეგობრული კლუბია. ჩვენ, გამოცდილების ხარჯზე თამაშებს ვერ მოვიგებთ, რადგან გუნდის საშუალო ასაკი 20-21 წელია. ბრძოლა, შემართება, ბურთის კონტროლი, სწრაფი შეტევა, გუნდურობა - ეს ის კომპონენტებია, რომელშიც "საბურთალო" გამოირჩევა.

- გარკვეული დროით უცხოეთში თამაშობდით. რა განსხვავებებს ხედავთ, რამდენიმე წლის წინ გამართულ ჩემპიონატსა და ახლანდელ პირველობას შორის?

- შედარებით უკეთეს მინდვრებზეტარდება თამაშები. ასევე დადებითი ფაქტია ის, რომ ღამის განათების ფონზე მიმდინარეობს მატჩები. გაშუქებას უფრო მეტი დრო ეთმობა, ამით ფეხბურთელების ცნობადობა უფრო იზრდება.

- კომფორტულად, რომელ პოზიციაზე გრძნობთ თავს?

- უფრო თავდასხმაში, მაგრამ ამას დიდი მნიშვნელობა არა აქვს. სადაც მწვრთნელი ჩათვლის საჭიროდ, მზად ვარ იქ ვითამაშო.

- რეალურად, "საბურთალოს" წლეულს რა მიზნებისთვის ბრძოლა შეუძლია?

- სატურნირო ცხრილში ამჟამად არსებული მდგომარეობის გათვალისწინებით, მეოთხე ადგილზე გასვლა რეალურია. თუმცა, არც სამეულია შორს. მთავარია, სტაბილურობა შევინარჩუნოთ და თამაშები მოვიგოთ. ვფიქრობ, ჩვენი თამაში თუ ვითამაშეთ, ბევრად უკეთეს შედეგს ვაჩვენებთ.

ლოკომოტივი   5 - 0    ჩიხურა

შემადგენლობა

მოვლენები

საბურთალო   5 - 0    შუქურა

შემადგენლობა

მოვლენები

კოლხეთი   0 - 1    დინამო ბთ

შემადგენლობა

მოვლენები

დილა   1 - 2    სამტრედია

შემადგენლობა

მოვლენები

ტორპედო   0 - 2    დინამო თბ

შემადგენლობა

მოვლენები

სარეკლამო ადგილი - 25
710 x 104
Loading...

კომენტარები (0)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
სტატისტიკა
ეროვნული ლიგა - ტური 29
  • 13 ოქტომბერი, 2017
  • ჩიხურა 1 - 2 სამტრედია
  • დინამო ბთ 1 - 0 დილა
  • 14 ოქტომბერი, 2017
  • ტორპედო - შუქურა
  • 15 ოქტომბერი, 2017
  • საბურთალო 6 - 3 კოლხეთი
  • დინამო თბ 3 - 1 ლოკომოტივი
  •  
  • დინამო თბ29 19 5 5 69-25 62
  • ტორპედო29 17 7 5 45-22 58
  • სამტრედია29 16 7 6 46-31 55
  • ლოკომოტივი29 15 3 11 54-38 48
  • საბურთალო29 14 4 11 50-36 46
  • ჩიხურა29 12 4 13 35-46 40
  • დილა29 9 7 13 34-41 34
  • დინამო ბთ29 10 2 17 25-45 32
  • კოლხეთი29 4 8 17 27-57 20
  • შუქურა29 2 7 20 28-72 13
ეროვნული ლიგა - ტური 30
  • 18 ოქტომბერი, 2017
  • სამტრედია - დინამო ბთ
  • შუქურა - ჩიხურა
  • 19 ოქტომბერი, 2017
  • ლოკომოტივი - საბურთალო
  • კოლხეთი - ტორპედო
  • დილა - დინამო თბ
0.211903