33 წლის ფილიპ კოლშრაიბერმა კიცბუელში გამართული ავსტრიის ღია ჩემპიონატი მოიგო. გადამწყვეტ მატჩში გერმანელი ჟოაუ სოუზას შეხვდა და მეტოქე 6:3, 6:4 დაამარცხა. კიცბუელში ფილიპი მესამედ გავიდა ფინალში და მეორედ გაიმარჯვა.
აღნიშნული ტურნირის მოგებით კოლშრაიბერმა 250 სარეიტინგო ქულა მიიღო, ხოლო პორტუგალიელმა - 150. განახლებულ რეიტინგში გერმანელი 10 ადგილით დაწინაურდება და 37-ე პოზიციაზე გადავა, ხოლო ჟოაუ 11 პოზიციით წინ წაიწევს და ორშაბათს 52-ე ადგილზე იქნება.
