სარეკლამო ადგილი - 3
227 x 91
ფეხბურთი

10:00 | 24.07.2017 | ნანახია 9122 - ჯერ

რას უწუნებს მასიმო კარერა ჯანოს?!

2016 წლის 27 ოქტომბერს, ჯანო ანანიძემ და მოსკოვის “სპარტაკმა” ახალი კონტრაქტი გააფორმეს – 2021 წლამდე. მაშინ, ქართველ ფეხბურთელს ჩინებული პერიოდი ედგა და გოლებს ხშირად იტანდა, თანაც ერთიმეორეზე უკეთესს.

საერთოდ, გასული სეზონი, რომელიც საბოლოოდ “სახალხო გუნდის” ტრიუმფით დასრულდა, ანანიძესთვის დიდებულად დაიწყო. პირველივე ტურში დუბლი, მანამდე გოლი ევროპა ლიგაზე, მერეც იყო გამორჩეული შეხვედრები და გოლები. თავდაპირველად, “სპარტაკს” დმიტრი ალენიჩევი წვრთნიდა, რომელიც ანანიძეს ძირითადი შემადგენლობის მუდმივ წევრად მოიაზრებდა. მეტიც, თამაშს მასზე აწყობდა.

მერე რუსი სპეციალისტი მასიმო კარერამ ჩაანაცვლა და თითქოს ყველაფერი რიგზე გახლდათ: იტალიელიც სწყალობდა ქართველს... და მაინც, სეზონი რაც უფრო ფინიშისკენ მიდიოდა, ანანიძის სათამაშო დრო მცირდებოდა. არადა, შეუიარაღებელი თვალითაც კარგად ჩანდა განსხვავება – “სპარტაკის” თამაში, როდესაც ჯანო მინდორზე ერთი იყო და როდესაც, არ იყო - მეორე.

საბოლოოდ, “სპარტაკი” ჩემპიონი გახდა პირველად 2001 წლის შემდგომ. ჯანო ანანიძემ რუსეთის პრემიერლიგაში 22 მატჩი ჩაატარა (1270 წუთი), აქედან 13-ჯერ ძირითად შემადგენლობაში გახლდათ. აღსანიშნავია, რომ ხსენებულ 13 მატჩში მოსკოველებმა 31 ქულა მოიპოვა, ხოლო დანარჩენ 9 შემთხვევაში ქართველი შეცვლაზე გამოჩნდა მოედანზე. 24 წლის ნახევარმცველმა 4 გოლი გაიტანა და ორჯერ საგოლე პასის შესრულება მოახერხა.

თითქოს ეს საკმარისი მიზეზი იყო იმისთვის, რომ კარერას ახალ სეზონშიც მოეხდინა ფოკუსირება ჩვენებურზე, თუმცა... თუმცა, პრემიერლიგაში აგერ ორი ტური მიილია და ჯანო მოედანზე არ ჩანს – ორჯერვე მთელი 90 წუთი სათადარიგო სკამზე გაატარა. ამას თუ დავუმატებთ, რუსეთის სუპერთასზე “ლოკომოტივთან” ნათამაშებ მხოლოდ 49 წუთს, ნათელია, რომ მასიმო კარერასთვის ანანიძე არცთუ ისე მნიშვნელოვანი ფიგურაა.

აგერ მაგალითად, ორ ტურში იტალიელმა თითქმის ყველა შემტევს მისცა შანსი – მათ შორის, იველინ პოპოვსა და ლორენსო მელგერეხოს, რომლებიც შარშან უფრო ხშირად სკამზე ისხდნენ, მაგრამ ანანიძესთვის დრო ვერ გაიმეტა. საგულისხმოა ისიც, რომ “სპარტაკმა” ვერცერთი თამაში ვერ მოიგო და წესით კარერა შემტევების თამაშით კმაყოფილი არ უნდა იყოს, თუმცა გაუგებარია რატომ აითვალწუნა იტალიელმა მწვრთნელმა ქართველი ფეხბურთელი...

ანანიძე ქვინსი პრომესთან ერთად “სპარტაკში” ალბათ ყველაზე გამორჩეულია ინდივიდიუალური მონაცემებით. ქართველს შეუძლია თამაშის საკუთარ თავზე აღება, მეტოქის დაცვის გარღვევა, როგორც ტექნიკური არსენალით, ისე ერთი შეხედვით უბრალო, მაგრამ საოცარი პასით. მოკლედ რომ ვთქვათ, ჯანო “სპარტაკში” მთავარი ფანტაზისტაა, მაგრამ კარერასთვის უფრო მნიშვნელოვანი და ფასეული როგორც ჩანს, სხვა რაღაცებია – რას გაიგებ, კაცია და გემოვნება...

შესაბამისად, ჩნდება კითხვა: ჯანო, რატომ “სპარტაკში”?! – ფაქტია, რომ აგერ თითქმის 10 წელი გავიდა, რაც ქართველი ფეხბურთელი ამ გუნდშია. თითქოს ყოველი სეზონის წინ მასზე იმედს ამყარებენ, მაგრამ საბოლოოდ რეალურად შანსი არ ეძლევა. გადის დრო, იცვლებიან მწვრთნელები, მაგრამ არ იცვლება შედეგი – ჯანო ანანიძე “სპარტაკის” ძირითად შემადგენლობაში ვერ მკვიდრდება.

სარეკლამო ადგილი - 25
710 x 104
Loading...

კომენტარები (23)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
13:14 | 25.07.2017
Torres9 (12483)

რაც მოგივა დავითაო ყველა შენი თავითაო...უკვე 10 წელია ლამის

12:41 | 25.07.2017
ficxela10 (4676)

ვარჯიშზე პირველად მისულ 14 წლის ბავშვს რომ გავს ეგ არაფერს ნიშნავს? ფიზიკა თუ არ გქონდა არაფერი არ გამოგივა სტურაროს მაგალითს მოვიყვან ტიპმა ბურთის გაჩერება და პასი არ იცის მაგრამ მაინც თამაშობს იუვეში რადგან დღე და ღამე რომ არბენინო არ დაიღლება . შენი 20 წუთიანი ტექნიკა ყველას ბონუჩიზე კი დია

13:30 | 25.07.2017
sabonis (7104)

ზუსტი შეფასებაა.

02:52 | 25.07.2017
BEERTRANCE (94528)

მაინც წამსვლელი არაა აქედან სანამ არ გააგდებენ, იციან და როგორც უნდათ ისე მოექცევიან

21:52 | 24.07.2017
luka1977 (221)

ჩემი სუბიექტური აზრით ჯანო ბარსელონაში რომ მიიწვიონ არ წავა..

09:05 | 25.07.2017
sabonis (7104)

100%

21:27 | 24.07.2017
saqme (2040)

ამიტომ ქართველ ფეხბურთელებმა ვერ ისწავლეს ჭკუა,რომ თუ სერეიოზული ლიგა არ დაინტერესდება არ უნდა წახვიდე არსად და ამით აქაც მაღალი ჩემპი იქნებოდა,მაგრამ?.....

09:04 | 25.07.2017
sabonis (7104)

ეგრეა.

19:34 | 24.07.2017
federerjamesliverpooldelpotro (5034)

რუსეთს ვერ გაცილდნენ რუსეთს.ჯანო ესპანეთში დახატავდა იმენა

19:26 | 24.07.2017
Shevche (13900)

შეკრებაზე სპარტაკმა 2 ამხანაგური ითამაშა. პირველში ჯანო მეორე ტაიმში შემოვიდა და გადამწყვეტი გოლი გაიტანა. თუმცა შემდეგ თამაშშიც მეორე ტაიმში შემოიყვანა. იმ თამაშში მელგარეხომ გააკეთა საგოლე პასი და ეს გახდა იმის მიზეზი, რომ ჩემპიონატის პირველ ტურში მელგარეხო დააყენა სასტარტოში და პოპოვიც და ჯანოც სკამზე დასვა. მაგ თამაშს მთელი თამაში იგებდნენ და შეცვლებიც ამის მიხედვით გააკეთა - დაცვა გააძლიერა(თუმცა ბოლოს მაინც გაუშვეს).
მეორე ტურში მარჯვენა მცველად პეტკოვიჩი დააყენა, რომელიც ლეგიონერია. ლეგიონერებზე ლიმიტის გამო 6-ზე მეტ ლეგიონერს ერთდროულად ვერ ათამაშებს. პეტკოვიჩი, ბოჩეტი, ფერნანდო, პრომესი, ზე ლუიში და პოპოვი დააყენა. შეიძლებოდა პოპოვის ნაცვლად ჯანო, ან ერთ-ერთ შემტევად, თუმცა მანდ ბაკაევი დააყენა, მხოლოდ და მხოლოდ იმიტომ, რომ რუსეთის მოქალაქეა. რეალურად, ეს ლიმიტი ასუსტებს რუსულ კლუბებს.
ზოგადად, კარერაც ხშირად მიმართავს როტაციას. არც პოპოვს ჰქვია ძირითადის მოთამაშე და დაცვაშიც ხშირადაა ცვლილებები. ფერნანდო-გლუშაკოვი-პრომესი არიან ძირითადად შეუცვლელები.
შემდეგ ტურში ჯანოს დააყენებს, ასე მგონია. აფასებს კარერა ჯანოს, მართალია, მეტოის მიცემაც შეიძლება, მაგრამ არ მოსწონსო ამასაც ვერ იტყვი.

18:51 | 24.07.2017
luka08 (236)

ამ10 წლის განმავლობაში მოუმატა ჟანომ ? ჩემი აზრით , არა . ეს არის მტავარიმიზეზი . მუდმივ პერსპექტიულებზე გათვლას არავინ აკეთებს .

16:36 | 24.07.2017
lado (1464)

რადგან ვმარჩიელობთ, მეც ვიტყვი.. რამდენიმე კვირის წინ, რუსეთის სუპერთასი რომ საქართველოს დროშით აღკაზმულმა აწია, ვითომ იმიტომ ხო არ დასვეს სკამზე? იქნებ კარერას უთხრეს დასაჯეო.. ჰა, არა? კაი ჩემით გავალ

16:45 | 24.07.2017
კორბენ კირილეს ძე კვინტრაია (8395)

სხვათაშორის ეგ საკითხი აბაშიძე-კარასინის ფორმატის პირველივე შეხვედრაზე დაისვა: თუ სპარტაკი რაიმე ტიტულს მოიგებს, ანანიძეს დაერთოს ნება ქართული დროშით იტანტალოსო
ჰოდა, აბა სად გინახავს რუსებს პირობა დაერღვიოთ ?

15:34 | 24.07.2017
sabonis (7104)

მე მეგონა რაღაც რეალური ინფორმაცია აქვთ მეთქი, მაგალითად მწვრთნელისგან ან ჯანოსგან, თორემ ასე ზოგადად ყველა ვიმარჩიელებთ ადმინ.D

14:59 | 24.07.2017
კორბენ კირილეს ძე კვინტრაია (8395)

სეზონი გრძელია, ვფიქრობ ჯანოს საჭიროებაც თანდათან გამოჩნდება. შარშან თუ კარგად დაიწყო და "ისე რა" დაამთავრა (თუმცა ჩემპიონობით), ამ წელს ხომ შეიძლება პირიქით მოხდეს - ცუდად დაიწყო და კარგად დაამთავროს ?
ასაკთან ერთად ფიზიკურად რომ ვერ მოძლიერდა, ეს მიკვირს. ძალიან კაფანდარაა და შესაბამისად სუსტიც. ტანით აგერ შაქირიც პატარაა, მაგრამ კია კიტრივით DDDDDDDD მასაზე აუცილებლად სამუშაო აქვს.
სტატიის ავტორი ამბობს - გუნდში მთავარი ფანტაზისტაა და მწვრთნელი მაინც არ ენდობაო... ნუ გავიწყდებათ, რომ ეს რუსეთის ჩემპია, "ბეი ბეგის" მამები DDDDDDDD მანდ სხვა რაღაცეები უფრო მნიშვნელოვანია, მიუხედავად იმისა, რომ სპარტაკი ყოველთვის სხვებზე დახვეწილი გუნდი იყო ტექნიკის მხრივ.

14:58 | 24.07.2017
chamilo (33211)

როცა კონტრაქტის გახანგრძლივებაზე მიდგება საქმე,აძლევენ სათამაშო დროს,რეალურად ჯანოს არ მოიაზრებენ ძირითადის წევრად და რადგან ის ხმას არ იღებს,ესეგი კმაყოფილია თავისი მდგომარეობით

14:13 | 24.07.2017
arsena8 (208)

ჯანო ყველა მწვრთვნელის ხელში სათადარიგო იყო, რუსები ამბობდნენ რომ ფიზიკურად ორი ტაიმის თამაში არ შეუძლია, არც უცხოელები ათამაშებდნენ იგივე უნაი ემერი ან ეს კარერა. ერთი მხრივ გასაგებია, ძნელია არჩევანი ქართველზე გააკეთო როცა გუნდში რამდენიმე ბრაზილიელი, ჰოლანდიელი, ბულგარელია, თანაც ლეგიონერების შეზღუდვაა დაწესებული და რუსები აუცილებლად უნდა ათამაშონ. ჯანოსთვის უმჯობესი იყო ევროპაში ეცადა , მაგრამ ხელფასი დიდი აქვს და ეტყობა ესეთი სიტუაცია აწყობს , ყოველშემთხვევაში პროტესტი საჯაროდ არასოდეს გამოუთქვამს.

13:12 | 24.07.2017
O. Mertskhali (1095)

იმ გამოსირებულმა 'ტრენერმა' თქვა ბოლო თამაშის მერე (რომელშიც გვარიანად გადახალისებული შემადგენლობა ათამაშა), რომ ზოგი ლიდერი დავასვენე, სუპერთასი რომ ვითამაშეთ დამატებით, გადაღლილები იყვნენ მაგის გამო და იმიტომ ვათამაშე შეცვლებეო - ჯანო საერთოდ არ უხსენებია... ან კონფლიქტია, ან ზევიდანაა დირექტივა, ალბათ

11:58 | 24.07.2017
lagashi (1810)

ყაზაიშვილის გუნდმა 3:0 წააგო, ამის წინ 5:1. რა გუნდია ასეთი ნეტა !!!

12:32 | 24.07.2017
რაჭა (9147)

ტორპედო....

02:50 | 25.07.2017
BEERTRANCE (94528)

Ddddddddddd

15:00 | 24.07.2017
კორბენ კირილეს ძე კვინტრაია (8395)

DDDDDDDDDDDDD

12:42 | 24.07.2017
lagashi (1810)

11:56 | 24.07.2017
lagashi (1810)

ისე რაღაცნაირად ჩია ფეხბურთელია, დაბლები რამდენიც გინდა იმდენია მაგრამ მასეთი მოწრიპული სხვა არ მახსენდება არავინ,

11:15 | 24.07.2017
shalva (2496)

მიეჩვია და რა ქნას ჯანომ, არ არის მარტივი გადაწყვეტილების მიღება, აბა თქვენ როდის შეიცვალეთ სამუშაო ადგილი ბოლოს?

11:06 | 24.07.2017
zurzuta (8)

ეს ბიჭი არის როგორც სპორცმენი უთავმოყვარეო სპორცმენი,ამ ორი სიტყვით ყველაფერია ნათქვამი,არა აქვს უფრო მეტზე პრეტენზია, რაც აქვს მაგითიც კმაყოფილია და ეგაა,სულ მასე იქნება თუ არ შეიცვალა ამ ბიჭმა საქმისადმი დამოკიდებულება და თუ არ დაიწყო აზროვნება როგორც უფრო ამბიციურმა სპორცმენმა,თვითონ აწყობს და ჩვენ რატომ ვიშლით ესე ნერვებს ვერ ვხვდები,დაგვაწყდა ნერვები ამის შემხედვარეს...

10:56 | 24.07.2017
niko_prague (248)

რას უწუნებს და რასაც უწუნებდნენ ყაზაიშვილს ვიტესში და ლეგიაშუ, არიან უინიციატივოა ფეხბურთელები მარტო მიიღე გააგორე დაარტყი რამოდენჯერმე თამაშის დროს არ არის ფეხბურთი.

10:49 | 24.07.2017
მათეუს (41)

აცადეთ კაცს. ახლახანს იყიდა ბინა მოსკოვში. ადვილი საქმე ნუ გგონიათ ეს.

10:32 | 24.07.2017
jarji (238)

ლიგისთვის ინახავს სიურპრიზად.

10:16 | 24.07.2017
რაჭა (9147)

ხელფასით ხომ კმაყოფილია????....
წარმატებები.

10:06 | 24.07.2017
lagashi (1810)

თავად ჯანოს თუ გამოუთქვამს ოდესმე პრეტენზია? ასე რომ ყოფილიყო ასე ხანგრძლივად არ გააგრძელებდა კონტრაქტს,

სარეკლამო ადგილი - 22
250 x 250
0.172496