სარეკლამო ადგილი - 3
227 x 91
ბლოგი

18:00 | 23.07.2017 | ნანახია 3327 - ჯერ

გრცხვენოდეთ!

ვიცი რომ არაფერს აზრი არა აქვს. რამდენიც გინდა წერე და იკითხე, იყვირე და იბღავლე, გაიარე და გამოიარე. ქართულ საკლუბო ფეხბურთში ყველაფერი მაინც ძველებურადაა და კიდევ უფრო უარესად - ვიდრე უწინ იყო. ეს ბოლო ორი წელი ხომ საერთოდ თავსლაფის პერიოდია და ასე ცუდად მგონი ქართულ კლუბებს ევროსარბიელზე არასოდეს უასპარეზიათ. მგონი კი არა, დარწმუნებით შეგვიძლიათ ვთქვათ, რომ ეს ბოლო ორი წელი ყველაზე საშინელი და საძაგელია!

არასოდეს დავიზარებ და არასოდეს დავიღლები იმის შეხსენებით, რომ ლევან კობიაშვილი საქართველოს ფეხბურთის ფედერაციის პრეზიდენტის პოსტზე არჩევის წინ, გულისგამახარებელ დაპირებებს იძლეოდა და მის მიერ განხორციელებული ფორმატების ცვლა თუ ე.წ. რეფორმები ომახიანთან ერთად თავდაჯერებულობის საბურვილითაც იყო მოცული. მის მიერ დარწმუნებული ბეჩავი ხალხიც მალიმალ იმეორებდა: “მიდი კობი მიაწექი!”, “კობი შენთან ვართ!” და იყო ერთი ხვევნა კოცნა და მტლაშა-მტლუში.

საბოლოო ჯამში კი მივიღეთ ის, რასაც ბევრი გონიერი ადამიანი იმთავითვე ვარაუდობდა და პრინციპში რისი პროგნოზირებაც არც ისე რთული იყო. განა შეიძლება ხელისუფლებასთან კუდგადანასკვულმა ფეხბურთის მმართველმა ძალამ, რომელიც ერთ დღეს ფეხბურთუს სახელით საუბრობს, მეორე დღეს კი საპარლამენტო უმრავლესობის მანდატს აფრიალებს, რაიმე კარგი შექმნას და გააკეთოს?! განა შეიძლება მთლიანად პოლიტიკურ კონტექსტში გახვეული უცოდინრობა და უტიფრობა კარგად დასრულდეს? განა შეიძლება ყოფილი მეგობრებისა და თანაგუნდელების მტრობამ და ამით “ზემოთ მყოფთა მაამებლობამ” უკუშედეგი არ გამოიღოს?!

გარდა ამისა, არ უნდა დაგვავიწყდეს საქართველოს ეროვნული საფეხბურთო ნაკრები და მის მიერ ნაჩვენები სამარცხვინო შედეგები, რაც რასაკვირველია ისევ და ისევ ჩვენი ფეხბურთის მმართველების და უპირველეს ყოვლისა ფედერაციის პრეზიდენტისა და საპარლამენტო უმრავლესობის წევრის – ლევან კობიაშვილის პოლიტიკის შედეგია. ვინც რა არ უნდა იძახოს, ციფრები და შედეგები ყველაფერზე მეტყველებენ.

ადრე თავის გასამართლებლად უფულობას იმიზეზებდნენ და ეს “მიზეზი” ფეხბურეთის მმართველთა თაობიდან-თაობებს გადაეცემოდა. ახლა დაფინანსებაც ასე თუ ისე ნორმალური გამოიყო და “ქართულ ფეხბურთს სახელმწიფო გვერდით უდგასო” – ვისაც კი არ ეზარება ყველა ამას ამბობს, მაგრამ ეს ყველაფერი მხოლოდ ლაყაფია, ხალხის თვალებში ნაცრის შეყრაა და რეგრესის მიჩქმალვის მცდელობაა.

კიდევ ერთხელ ვიმეორებ: თუ რაც ვთქვი და დავწერე ეს ასე არაა და უსაგონოდ ვინმეს ვებრძვი, ჩახედეთ, კარგად ჩახედეთ ბოლო წლებში ქართული კლუბებისა და ეროვნული ნაკრების მიერ ნაჩვენებ შედეგებს და მხოლოდ ამის შემდეგ გადაეფაროს ვინმე ფეხბურთის ფედერაციას, რომელიც პირდაპირ პასუხისმგებელია ამ ყველაფერზე.

დაბოლოს, დამოუკიდებელი საქართველოს არსებობის ისტორიის მანძილზე, ქართულმა ფეხბურთმა რამდენიმე მმართველი გუნდი გამოიცვალა და გასაოცარი შედეგები ნამდვილად არავის ქონია, მაგრამ სტატისტიკა აქაც მარტივად და უტყუარად გვეუბნება, რომ საქართველოს ფეხბურთის ფედერაციაში დღეს არსებელ ძალაზე ცუდი შედეგები არც ერთ (ხაზს ვუსმავ - არც ერთ!) გუნდს არ ქონია! გრცხვენოდეთ!

სარეკლამო ადგილი - 25
710 x 104
Loading...

კომენტარები (12)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
02:59 | 25.07.2017
BEERTRANCE (93487)

არა ჩემი ბრალია თურმე

15:15 | 24.07.2017
სერია A ჩვენია (Korben Napolitano) (7284)

ვერაფერს დავამატებ, შ ე ს ა ნ ი შ ნ ა ვ ი სტატიაა. აი ასე უნდა მუშაობდეს ჟურნალისტი !!!

14:55 | 24.07.2017
helguera (198)

გაამართლეთ ეხლა,არა ჩემი ბრალია

14:53 | 24.07.2017
helguera (198)

რა კაზიოლიც მთავრობა გვყავს ისაა კობიაშვილიც

14:52 | 24.07.2017
helguera (198)

ფულის მონები რომ გვყავს ქვეყანაში მაგიტომ ვართ ამ დღეში

14:51 | 24.07.2017
helguera (198)

რატომ მბლოკავთ? სიმართლეს რომ ვწერ?

14:50 | 24.07.2017
helguera (198)

კომენტარი დაბლოკილია ცენზურის ავტომატური ბლოკირების მიერ, ის შეიძლება დაიშვას მოდერატორის მიერ

00:12 | 24.07.2017
lagashi (1404)

აფრიკის ერთ ქვეყანაში ფეხბურთის ნაკრები დაშალეს და მხოლოდ ასაკობრივები დატოვეს, ღირს რომ ვცადოთ

23:04 | 23.07.2017
lado (1460)

კობიაშვილის რა ბრალიაო? მოდით ძალიან მარტივად ავხსნათ. წარმოიდგინეთ, რო თქვენ ხართ პრეზიდენტი, რომელმაც უნდა შექმნას ისეთი ფორმატი, რაც ხელს შეუწყობს ფეხბურთის განვითარებას. ამის ნაცვლად ხდება ის, რომ რაღაც სისტემის ნაცვლად ბეევრი ფული (საქართველოს კვალობაზე) ჩაუგდეთ ხელში ბევრ ისეთ ადამიანს, ცნობილები რომ არიან ფულისადმი არც ისე კარგი და სუფთა დამოკიდებულებით. (ზოგი ანანიძეს წილში სთხოვდა ჩაჯდომას, ზოგი ნაკრებში გამოძახებაზე ფეხბურთელებს ფულს სთხოვდა და ა.შ) მოკლედ რომ ვთქვათ, თქვენ ხართ მეცხვარე, რომელმაც ცხვრის ფარის განვითარება მგლებს მიანდო და თან ისე, რომ უკვე ხედავთ რო ეს ფარა კი არ ვითარდება, უფრო და უფრო მცირდება და ბეჩავდება. თან იმის ბერკეტიც კი არ დაიტოვე რომ დამნაშავე დაისაჯოს. მოდით და კიდევ იკითხეთ კობის რა ბრალიაო, და თაინც ვერ ჩაწვდით, მაშინ უბრალოდ იკითხეთ, ბევრი იკითხეთ

22:10 | 23.07.2017
dioreto (541)

ბოდიში და რა კვერცხობაა? კობიაშვილი რა შუაშია როცა კლუბებს ელემენტარულის გაკეთება არ უნდათ>

21:41 | 23.07.2017
ogafa (4522)

20:00 | 23.07.2017
sandrinio10 (1366)

რიჟა არველაძე გვინდა ფედერაციაში და მერე გავფრინდებით. კობიაშვილის რა ბრალია რომ ჩელეს და მაგის ნაირები გამოყოფილ ფულს რომ ჭამენ და კლუბის განვითარებას არ ახმარენ. არც კერძო ინვესტორი უნდათ რომ ის ფული დაკარგონ. ჩელეს ნაირები უნდა მოშორდნენ ქართულ ფეხბურთს და მერე შეიძლება გვეშველოთ, ერთ მილიონს რომ გაძლევენ არ შეიძლება ნორმალური საფარი მაინც დააგო სტადიონზე , ერთი ჩამოთვალეთ რამდენმა ფეხბურთელმა მიიღო ქობულეთში ტრამვა. კობის საქმეს გაუმარჯოს, ასეთი ჩემპიონატი არ გვქონია, მე ვგულისხმობ რომ ყველა თამაშის გადმოცემენ და ყოველ კვირას არის ტურის მიმოხილვა, შენ შეიძლება გამაზული თამაშები გევასებოდა და მაგაში ფულს შოულობდი, მიხიჩა რომ პირველ ტაიმში აკეთებდა სამივე ზამენას !

სარეკლამო ადგილი - 9
250 x 250
სარეკლამო ადგილი - 22
250 x 250
0.101213