სარეკლამო ადგილი - 3
227 x 91
სხვა

11:41 | 17.07.2017 | ნანახია 955 - ჯერ

ხორვატები ვართ და მუდამ მოსაგებად ვიბრძვით!             
ჭაბუკთა მსოფლიო ჩემპიონატი: დარჩა 22 დღე

ჭაბუკთა მსოფლიო ჩემპიონატის დაწყებამდე 22 დღე დარჩა. დღეს გაგაცნობთ C ჯგუფის ფავორიტს, ხორვატიის 19-წლამდელთა ნაკრებს.

სახელბურთო სამყაროში ხორვატია გამორჩეული ქვეყანაა. მათ ასაკობრივი ნაკრებებიც საკმაოდ ძიერი ჰყავთ და მუდამ ლიდერებში იმყოფებიან. თავად განსაჯეთ - აქამდე გამართულ ჭაბუკთა 6 მსოფლიოს ჩემპიონატიდან ხორვატები 4-ჯერ საპრიზო სამეულში მოხვდნენ. მათ, 2005 წელს ბრინჯაო მოიპოვეს, 2007 და 2013 წლებში ვერცხლის მედლებს დაეუფლნენ, ხოლო 2009 წელს ჩემპიონები გახდნენ.

გთავაზობთ ინტერვიუს ხორვატიის 19 წლამდე სახელბურთო ნაკრების მთავარ მწვრთნელთან ლუკა პანზასთან.

-ბატონო პანზა, კმაყოფილი ხართ წილისყრის შედეგებით?

-საკმაოდ თანაბარ და დაბალანსებულ ჯგუფში მოვხვდით. ხუთივე შეხვედრაში დიდი ენერგიის დახარჯვა მოგვიწევს.

-საქართველოს 19 წლამდე ნაკრებზე ან ზოგადად ქართულ ხელბურთზე გსმენიათ რამე?

ხელბურთი მთელ მსოფლიოში გლობალურად ვითარდება და მჯერა, რომ ქართული ხელბურთიც წინ მიიწევს. მსოფლიოს ჩემპიონატი, რომელიც თქვენს ქვეყანაში უნდა გაიმართოს შესანიშნავი საზომი იქნება იმისა, რომ განსაზღვროთ და შეაფასოთ თუ სად იმყოფება ქართული ხელბურთი ამ ეტაპზე და ასევე შესაძლებლობას მოგცემთ, პროგრესი განიცადოთ.

-როგორ შეაფასებდით ხორვატიის ნაკრების შანსებს მსოფლიოს ჩემპიონატზე?

-ჩვენ ხორვატები ვართ, რაც იმას ნიშნავს რომ ყოველთვის მაღალი ადგილებისთვის ვიბრძვით და შესაბამისად მოლოდინიც დიდია. ჩვენს ნაკრებში ინდივიდუალური ოსტატობით არაერთი მოთამაშე გამოირჩევა, რომლებსაც ასევე გუნდური თამაშიც შეუძლიათ.

-მოსამზადებელი პროცესზე რას იტყოდით?

-საწუწუნო არაფერი გვაქვს. მზადება ნაყოფიერად მიმდინარეობს. საქართველოში გამომგზავრებამდე 7 ამხანაგურ მატჩს გავმართავთ.

-რომელ 3 გუნდს მიიჩნევთ ჩემპიონატის ფავორიტად?

ხორვატიას, საფრანგეთს და გერმანიას.

მსოფლიო ჩემპიონატის ოფიციალური ვებგვერდი: http://handballgeo2017.com/ka/

ხელბურთი. ჭაბუკთა მსოფლიო ჩემპიონატი. 8-20 აგვისტო, თბილისის ოლიმპიური სასახლე

A ჯგუფი: საფრანგეთი, დანია, შვედეთი, ბაჰრეინი, ეგვიპტე, ნორვეგია

B ჯგუფი: გერმანია, ისლანდია, საქართველო, ჩილე, იაპონია, ალჟირი

C ჯგუფი: ხორვატია, არგენტინა, ბრაზილია, პორტუგალია, ვენესუელა, კორეა

მცირე დარბაზში

8 აგვისტო: 10:00 ხორვატია-პორტუგალია 12:00 არგენტინა-ვენესუელა 21:00 ბრაზილია-კორეა

10 აგვისტო: 16:00 პორტუგალია-არგენტინა 18:00 კორეა-ხორვატია 20:00 ვენესუელა-ბრაზილია

11 აგვისტო: 16:00 ხორვატია-ვენესუელა 18:00 არგენტინა-ბრაზილია 20:00 პორტუგალია-კორეა

13 აგვისტო: 16:00 არგენტინა-კორეა 18:00 ბრაზილია-ხორვატია 20:00 ვენესუელა-პორტუგალია

14 აგვისტო: 16:00 ვენესუელა-კორეა 18:00 ბრაზილია-პორტუგალია 20:00 ხორვატია-არგენტინა

D ჯგუფი: სლოვენია, ესპანეთი, სერბეთი, ტუნისი, რუსეთი, მექსიკა

15 აგვისტო. დასვენების დღე

16 აგვისტო. მერვედფინალი და პრეზიდენტის თასი 17-24 ადგილებისთვის

17 აგვისტო. მეოთხედფინალი და მატჩები 9-24 ადგილებისთვის

18 აგვისტო: დასვენების დღე

19 აგვისტო: ნახევარფინალი, 1-4, 5-8 ადგილები

20 აგვისტო, ფინალები

სარეკლამო ადგილი - 25
710 x 104
Loading...

კომენტარები (1)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
08:07 | 18.07.2017
ogafa (4352)

წარმატებები

სარეკლამო ადგილი - 22
250 x 250
0.096753