ძნელი სათქმელია, რა მიზეზი ედო საფუძვლად TCR-ის საერთაშორისო სერიის ხელმძღვანელობის გადაწყვეტილებას, როცა “GE-ფორსს“ და „რომეო ფერარის“, „ალფა რომელ ჯულიეტას“ ძრავის სიმძლავრის შემცირება მოსთხოვეს. ეს სერიის უნგრული ეტაპის წინ მოხდა.
„ჯულიეტა“ ისედაც ყველაზე მცირელიტრაჟიანი (1.7 ლიტრი) და შესაბამისად, სუსტი ძრავით არის აღჭურვილი, მაგრამ მაღალი ბრუნვებით გამოირჩეოდა. ამაზე მეტოქე გუნდები სეზონის დასაწყისიდან წუწუნებდნენ და საწადელს მას შემდეგ მიაღწიეს, რაც დუშან ბორკოვიჩმა ავსტრიაში გამარჯვება (ამ სეზონში მეორე) მოიპოვა. ეგ კი არა, შემდგომი ეტაპისთვის, რომელიც სამ კვირაში გერმანიის ოშერსლებენში გაიმართება, „ჯულიეტა“ ახალი, ნაკლებად წარმადი ტურბო კომპრესორით უნდა იყოს აღჭურვილი. ამის საკომპენსაციოდ კი წონის დაკლებას დაპირდნენ. ამ ყველაფრისთვის ტესტების დროც კი არ რჩება...
ერთიც ვნახოთ და, დათა ქაჯაიამ ან ბორკოვიჩმა კიდევ მოიგეს რბოლა. მერე ალბათ მათ მანქანას შიდაწვის ძრავს საერთოდ ამოაცლიან და მის ნაცვლად პედლებიან მექანიზმს დაუყენებენ.
სხვათა შორის, მსგავს სიტუაციაში აღმოჩნდა „აუდით“ მოასპარეზე „ქამთუიუ“ და მისი პილოტები - TCR-ის ორგზის ჩემპიონი სტეფანო კომინი და ფრედერიკ ვერვიში. ორივე გუნდის პილოტებმა ამის გამო, კვალიფიკაციის მეორე სესიაზე ასპარეზობის უფლებაც კი ვერ მოიპოვეს. დათამ კვალიფიკაციაზე მე-15 დრო აჩვენა, მას თითო ადგილით კომინი და ბორკოვიჩი ჩამორჩნენ, ვერვიშს კი მე-13 დრო ჰქონდა. ეს მაშინ, როცა კომინი მაქსიმალური ბალასტითაც კი ახერხებდა გამარჯვებისთვის ბრძოლას.
პირველ რბოლაში ქაჯაიამ კარგი სტარტი აიღო და რამდენიმე ადგილით წინ წაიწია. კარგა ხანს მე-10 პოზიცია ეკავა, მაგრამ მე-11 წრეზე (14-დან) მას მატ’ო ჰომოლამ გაასწრო. საბოლოოდ, დათა მე-11 ადგილს დასჯერდა, კომინიმ მის უკან დაასრულა რბოლა. ვერვიშმა და ბორკოვიჩმა ფინიშს ვერ მიაღწიეს. გამარჯვება კი, ადგილობრივი მაყურებლების გასახარად, 18 წლის ატილა ტაშიმ მოიპოვა, ვისთვისაც ეს TCR-ის საერთაშორისო სერიაში პირველი მოგებაა. მანვე მეორე რბოლაშიც გაიმარჯვა და სერიის კლასიფიკაციასაც სათავეში მოექცა.
მეორე რბოლის სტარტზეც ქაჯაიამ კარგი რეაქცია გამოავლინა და რამდენიმე პოზიციით წინ წაიწია, მაგრამ სამწუხაროდ, პირველ წრეს ვერ გასცდა, რადგან მის „ჯულიეტას“ უკანა მარცხენა გვერდში ჟან-კარლ ვერნეის „ფოლკსვაგენი“ დაეჯახა. დათას მანქანა წამში უკონტროლო გახდა და ჯანი მორბიდელის „ფოლკსვაგენს“ დაეჯახა, რომელმაც თავის მხრივ, დანიელ ლოიდის „სეატი“ მოცელა. ეს სამივე მონაწილე რბოლას გამოეთიშა, ვერნეიმ კი ასპარეზობა გააგრძელა. მოგვიანებით, რბოლას ბორკოვიჩიც გამოეთიშა. საბოლოოდ, ცხენის ძალებდაკლებულმა ქართულმა გუნდმა ჰუნგარორინგი უქულოდ დატოვა.
TCR-ის საერთაშორისო სერია
ბუდაპეშტი (უნგრეთი), რბოლა 1 (14 წრე)
- ატილა ტაში (უნგრეთი, ჰონდა) 26:56.484
- ნორბერტ მიხელისი (უნგრეთი, ჰონდა) 00.865
- ჟან-კარლ ვერნეი (საფრანგეთი, ფოლკსვაგენი) 01.744
- რობერტო კოლჩაგო (იტალია, ჰონდა) 12.769
- პეპე ორიოლა (ესპანეთი, სეატი) 14.029
- დანიელ ლოიდი (ბრიტანეთი, სეატი) 14.959
- ჯეიმს ნაში (ბრიტანეთი, სეატი) 22.569
- ჯაკომო ალტოე (იტალია, ფოლკსვაგენი) 25.074
- ჯანი მორბიდელი (იტალია, ფოლკსვაგენი) 27.448
- მატ’ო ჰომოლა (სლოვაკეთი, ოპელი) 27.869
- დავით ქაჯაია (საქართველო, ალფა რომეო) 31.270
- სტეფანო კომინი (შვეიცარია, აუდი) 35.479
- გრეგუარ დემუსტიე (საფრანგეთი, ოპელი) 35.893
- იენს რენო მოლერი (დანია, ჰონდა) 37.904
- დანიელ ნადი (უნგრეთი, სეატი) 39.106
- ფერენც ფიჩა (უნგრეთი, კია) 40.742
- მარკ იედლოცკი (უნგრეთი, ალფა რომეო) 41.898
- მილოვან ვესნიჩი (სერბეთი, აუდი RS 3 LMS) 45.984
- ანეტ დიორდი (უნგრეთი, სეატი) 1:10.487
- ჩაბა ტოთი (უნგრეთი, სეატი) 1:27.955
- ფრედერიკ ვერვიში (ბელგია, აუდი) 7 წრე
- დუშან ბორკოვიჩი (სერბეთი, ალფა რომეო) 7 წრე
- რობ ჰაფი (ბრიტანეთი, ფოლკსვაგენი) 12 წრე
- სტიან პაულსენი (ნორვეგია, სეატი) 12 წრე
- დანკან ენდი (აშშ, სეატი) 14 წრე
რბოლა 2 (14 წრე)
- ატილა ტაში (უნგრეთი, ჰონდა) 29:20.272
- პეპე ორიოლა (ესპანეთი, სეატი) 01.861
- იენს რენო მოლერი (დანია, ჰონდა) 03.283
- ჯაკომო ალტოე (იტალია, ფოლკსვაგენი) 03.765
- რობერტო კოლჩაგო (იტალია, ჰონდა) 04.397
- ნორბერტ მიხელისი (უნგრეთი, ჰონდა) 04.980
- ჟან-კარლ ვერნეი (საფრანგეთი, ფოლკსვაგენი) 05.372
- სტიან პაულსენი (ნორვეგია, სეატი) 06.254
- ჯეიმს ნაში (ბრიტანეთი, სეატი) 12.055
- სტეფანო კომინი (შვეიცარია, აუდი) 17.135
- რობ ჰაფი (ბრიტანეთი, ფოლკსვაგენი) 17.400
- მატ’ო ჰომოლა (სლოვაკეთი, ოპელი) 18.505
- გრეგუარ დემუსტიე (საფრანგეთი, ოპელი) 21.975
- ფერენც ფიჩა (უნგრეთი, კია) 28.923
- მარკ იედლოცკი (უნგრეთი, ალფა რომეო) 33.914
- იშტვან ბერნულა (უნგრეთი, კია) 38.193
- ანეტ დიორდი (უნგრეთი, სეატი) 59.176
- ჩაბა ტოთი (უნგრეთი, სეატი) 1:14.998
- მილოვან ვესნიჩი (სერბეთი, აუდი RS 3 LMS) 2 წრე
- ფრედერიკ ვერვიში (ბელგია, აუდი) 3 წრე
- დანკან ენდი (აშშ, სეატი) 6 წრე
- დუშან ბორკოვიჩი (სერბეთი, ალფა რომეო) 6 წრე
- ჯანი მორბიდელი (იტალია, ფოლკსვაგენი) 14 წრე
- დანიელ ლოიდი (ბრიტანეთი, სეატი) 14 წრე
- დავით ქაჯაია (საქართველო, ალფა რომეო) 14 წრე
მრბოლთა კლასიფიკაცია
1. ატილა ტაში - 151 ქულა; 2. რობერტო კოლჩაგო - 145; 3. ჟან-კარლ ვერნეი - 138; 4. სტეფანო კომინი - 126; 5. პეპე ორიოლა - 109; 6. დუშან ბორკოვიჩი - 82; 7. ჯეიმს ნაში - 74; 8. დავით ქაჯაია - 59; 9. ფრედერიკ ვერვიში - 53; 10. უგო ვალენტე (საფრანგეთი, სეატი) - 46; 11. მატ’ო ჰომოლა - 45...