ამსტერდამის “აიაქსის” აწ უკვე ყოფილი ნახევარმცველი დევი კლაასენი კარიერას “ევერტონში” განაგრძობს. აღნიშნული ინფორმაცია “კანფეტების” ოფიციალურმა ვებგვერდმა დაადასტურა.
მერსისაიდელებს 24 წლის ფეხბურთელის ტრანსფერი 27 მილიონი ევრო დაუჯდათ და 5-წლიანი კონტრაქტი გაუფორმეს.
კლაასენმა გასულ სეზონში “აიაქსის” მაისური 50-ჯერ მოირგო, 20 გოლი გაიტანა და 12 საგოლე გადაცემა გააკეთა.
