სარეკლამო ადგილი - 3
227 x 91
ფეხბურთი

11:30 | 12.06.2017 | ნანახია 4120 - ჯერ

შეფასებები: მცდარი ტაქტიკა, შემადგენლობა და გათვლა

საქართველოს ნაკრებმა მოლდოვასთანაც იგივე სცენარით ითამაშა, როგორც ბოლო პერიოდში დაგვაჩვია - 45 წუთი ფეხბურთი. გაუგებარია, რა ერქვა იმას, რასაც „ჯვაროსნები“ კიშინიოვში, პირველ ტაიმში აკეთებდნენ. სამაგიეროდ, მეორე ტაიმი იყო კარგი.

WORLDSPORT.GE ტრადიციულად თამაშის შემდეგ წარმოგიდგენთ ფეხბურთელთა შეფასებებს 10 ქულიანი სისტემით. ამჯერად საუკეთესო ნიკა კვეკვესკირი იყო.

გიორგი მაკარიძე 5.5 - მაკარიძემ საქართველოს ეროვნული ნაკრების მაისური ოფიციალურ მატჩში კარგა ხნის პაუზის შემდგომ მოირგო. თუმცა, დაბრუნება მაინცდამაინც შთამბეჭდავი არ გამოუვიდა. გაშვებულ გოლებში მისი ბრალეულობა ძნელი დასანახია, ერთ-ორ ეპიზოდში კი, კარგი სეივი შეასრულა. გარდა ამისა, ერთხელ გამოსვლაზე ვერ იყო დამაჯერებელი და ლამის დავისაჯეთ...

უჩა ლობჟანიძე 4 - მოედანზე 35 წუთი გაატარა და შემდეგ ტრავმა მიიღო. ყველაზე მეტად რისი თქმაც მასთან მიმართებაში შეიძლება არის ის, რომ მის გარეშე საქართველოს ნაკრებმა ბევრად ეფექტური ფეხბურთი ითამაშა.

სოლომონ კვირკველია 5 - გამოცდილი ქართველი მცველის დღე ნამდვილად არ ყოფილა. კვირკველიამ ძალზე სუსტად ჩაატარა პირველი ტაიმი და შეიძლება ითქვას, ბოლო პერიოდის ერთ-ერთი ყველაზე ცუდი მატჩი ჩაატარა. ორივე გაშვებულ გოლშიც დანაშაული მიუძღვის, რადგან დროულად ვერ მოასწრო შემტევების გადაკეტვა.

გურამ კაშია 5 - არც ვიცე-კაპიტანს უთამაშია იდეალურად. გურამმა შეხვედრა ცენტრალურ მცველად დაიწყო და მარჯვენა ფლანგზე დაასრულა. დაცვაშიც ჰქონდა ბევრი ხარვეზი და არც ფლანგიდან შეუწუხებია დიდად მოლდოველი ოპონენტები.

ჯიმი ტაბიძე 5.5 - თუ გავითვალისწინებთ, რომ ახალგაზრდა მცველი პირველ ნაბიჯებს დგამს ეროვნულ გუნდში, მისი გამოცდილი პარტნიორების ფონზე აქტიური იყო. დაცვაშიც ბევრჯერ არ შემცდარა და შეტევაშიც ხშირად ერთვებოდა. ვაკო ყაზაიშვილის გოლის დროსაც მოვლენების ეპიცენტრში გახლდათ და ბურთს გარკვეულწილად მან შეუცვალა მიმართულება, სანამ ვაკო საგოლედ დაარტყამდა.

გიორგი ნავალოვსკი 5 - დრო გადის, თუმცა ნავალოვსკის თამაში არ იცვლება. ტრადიციულად იბრძოლა ბოლომდე, მაგრამ ხარისხობრივად მისი გარჯა უკეთესის სურვილს ტოვებდა. ყოველ შემთხვევაში მარჯვენა ფლანგზე გამწესებულ თანაგუნდელებთან შედარებით, ბევრად აქტიურად თამაშობდა. აი, მეორე გაშვებული გოლის დროს კი, უკეთ მოქმედება მართებდა.

მურთაზ დაუშვილი 4.5 - საყრდენმა ნახევარმცველმა 45 წუთი ითამაშა, მაგრამ თავი არაფრით გამოუჩენია. ხშირად კარგავდა ბურთს და ვერც შეტევების დაწყებას უზრუნველყოფდა. შესვენებაზე იგი ვაისმა დამსახურებულად შეცვალა.

ჯაბა კანკავა 5 - კაპიტანი ფორმაში არაა. კანკავას გაცილებით მეტი რომ შეუძლია ეს ძალიან კარგად ვიცით, თუმცა კიშინიოვში მისი დღე არ ყოფილა. დაუშვილისა არ იყოს, იგივე ითქმის მასზე - დაცვიდან ბურთის ამოტანას და შეტევის ორგანიზებას ვერც ჯაბა ახერხებდა. შედარებით გაეხსნა ხელფეხი, როდესაც მოედანზე ნიკა კვეკვესკირი გამოჩნდა.

გიორგი არაბიძე 6.5 - არაბიძე მხოლოდ 19 წლისაა, მაგრამ რჩებოდა შთაბეჭდილება, რომ ნაკრები მხოლოდ მის იმედზე იყო. პირველ ტაიმში თუ რაიმე დასამახსოვრებელი შეიქმნა, ეს გიორგის ორი ჯარიმა იყო. ერთი მეკარემ აუღო, მეორე კარს ასცდა. მეორე ტაიმში ოდნავ ჩრდილში მოექცა, მაგრამ მატჩის ბოლოს შეეძლო გმირი გამხდარიყო - შორეული გასროლა ხარიხამ აისხლიტა, თორემ საქართველოს ნაკრები შეხვედრას მოიგებდა.

ნიკა კაჭარავა 6 - კაჭარავა შეტევაში მარტო მოქმედებდა და ურიგოდ არც უთამაშია. ორჯერ ძალიან ახლოს იყო მიზანთან. ჯერ ოსტატურად მოატყუა მცველი და მცირედით ააცილა, ხოლო 2:2-ზე მეკარესთან პირისპირ გასულმა გადამწყვეტ მომენტში ვერ ივარგა. გარდა საგოლე მომენტებისა, მეორე სართულზე ბევრს იბრძოდა და ცდილობდა, ბურთი შეტევაში მაქსიმალურად დაეჭირა. ერთი ეგ იყო, ხშირად თანაგუნდელები მხარს ვერ უბამდნენ. პირველი გოლის დროს კი საგოლე პასი მიითვალა, როდესაც, მერებაშვილის ბურთი გააზრებულად დაუგდო.

ვლადიმერ დვალიშვილი 4.5 - დვალიშვილმა 65 წუთი ითამაშა, მაგრამ თითქმის უსაქმოდ იყო. ორთაბრძოლებს ხშირად აგებდა და ვერც ზუსტი პასებით გამოირჩეოდა. სანამ ვაისი შეცვლიდა, ერთი წუთით ადრე, კაჭარავას კარგად დაუგდო ბურთი, მაგრამ ტანმაღალმა ფორვარდმა მცირედით ააცილა. ეგ იყო და ეგ, მეტი საქართველოს ნაკრების 9 ნომერს თავი არაფრით გამოუჩენია.

ნიკა კვეკვესკირი 7 - კვეკვესკირს თამაშში ჩართვა ლობჟანიძის ნაცვლად მოუწია. სწორედ მისი გამოსვლის მერე დაიწყო ნაკრებმა ფეხბურთის თამაში. რამდენჯერმე შორიდან დაარტყა და ერთხელ არცთუ ისე დიდი მანძილით ააცილა კარს. მეორე ტაიმში თითქმის ყველა შეტევა მან წამოიწყო და ნათელი იყო, რომ ვაისმა მისი სკამზე დასმით დიდი შეცდომა დაუშვა, რომელიც შემდეგ ნაწილობრივ გამოასწორა კიდეც.

ვაკო ყაზაიშვილი 6.5 - ვაკომ მეორე ტაიმი ითამაშა და საკმაოდ აქტიურიც იყო. მეორე გოლი მის ანგარიშზეა, თუმცა აღვნიშნოთ, რომ გოლის ეპიზოდში ოდნავ გაუმართლა კიდეც. ცდილობდა ინდივიდუალურად ეთამაშა, მაგრამ რამდენჯერმე ამან დათვური სამსახური გაგვიწია და ბურთი დაიკარგა. მიუხედავად გამათაბრებელი გოლისა, კარგი თამაშისა, ცხადია, რომ ყაზაიშვილის ჩვეული ფორმისგან შორსაა.

გიორგი მერებაშვილი 6.5 - მერებაშვილი მოედანზე წამების გამოსული იყო, როდესაც ბურთი საჯარიმოსთან ახლოს მიიღო და ჩინებული გოლი გაიტანა. შეიძლება ითქვას, გიორგის გოლმა შეხვედრაში გარდატეხა შეიტანა და „ჯვაროსნები“ თამაშში დააბრუნა. კარგი იქნებოდა, მეტი სათამაშო დრო რომ დათმობოდა, რადგან ფლანგზე მისი გამოყენება მაქსიმალურად შეიძლებოდა.

ვლადიმირ ვაისი 5.5 - ეს თამაში რომ წაგვეგო, სლოვაკი ბევრად დაბალ შეფასებას დაიმსახურებდა, მაგრამ ვაისი თავის შეცდომას მალევე მიხვდა. შეცდომა იყო შერჩეული ტაქტიკური სქემა. 3-4-3-ში ნაკრების თითქმის ვერცერთმა ფეხბურთელმა თავისი თავი ვერ იპოვნა და ამიტომაც იყო, გააზრებული შეტევა არ გვქონია. არც დაცვაში გვითამაშია მწყობრად. სამაგიეროდ, როგორც კი, ნაკრები ნაცად, 4-2-3-1 სქემას დაუბრუნდა, გუნდი ათამაშდა. ჩვენმა მწვრთნელმა ვერც ძირითადი შემადგენლობა გამოიცნო, მაგრამ შეცვლებში კი გაუმართლა - მერებაშვილმა და ყაზაიშვილმა ხომ გოლები გაიტანეს?! კიდევ ერთი ფაქტორი: უცნაური გახლდათ, მოლდოვის ნაკრებთან მეორე ნომრად თამაშის დაწყება და ფრთხილი სათამაშო სისტემა. კარგად გამოჩნდა, როდესაც საქართველო უპირატესობას დაეუფლა, ბევრად მაღალი კლასი. ალბათ, უმჯობესი იქნებოდა, თავიდანვე შემტევი ფეხბურთი და პირველად ნომრად თამაში. და ბოლოს, უცვლელი დარჩა ერთი რამ: საქართველოს ნაკრებმა ერთი ტაიმი ჩინებულად, ხოლო ერთიც უსუსტესად ჩაატარა. მთლიანობაში კი, ვაისის მხრიდან სწორი გათვლა ნამდვილად არ იყო, კონტრშეტევებზე თამაშის აგება...

სარეკლამო ადგილი - 25
710 x 104
Loading...

კომენტარები (19)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
00:48 | 13.06.2017
giosvani (761)

მე პირადად ასეთი იდეა მაქვს არსებობს ალბათ ქართულ ენაზე წიგნები მწვრთნელებისთვის განსაკუთრებით ტაქტიკური და ფეხბურთელის იდივიდუალრი ტაქტიკური უნარჩვევების შესახებ ხოდა ერთი ასეთი ყველაზე მარტივად გასაგები და აღსაქმელი წიგნი სავალდებულოდ შესასწავლი რო გავხადოთ ჩვენი ყველა პროფესიონალური კლუბების ფეხბურთელებისთვის არ იქნება ცუდი, იქნებ ცოტა გაუადვილდეთ მწვრთნელთან ურთიერთობა და სწორი თამაშის ათვისებაც.

00:39 | 13.06.2017
giosvani (761)

21 წლამდელებს ვუყურე და კატასტროფაა , პასის კულტურა ნოლი რა გვყავს ამ ქვეყანაში მწვრთნელები რომლებიც პასის სწრაფად და ზუსტად მიცემას ასწავლიან ფეხბურთელებს , ჩვენი ფეხბურთელების ყველა თაობას ქონდა ეს პრობლემა დამოუკიდებლობის ისტორიაში , მარტო ერთეულები თუ გამოირჩეოდნენ ამ კომპონენტში რაც არ კმარა და საერთო სურათიისახეზეა 122ე ადგილიმსოფლიო რეიტინგში. ის კი არა ამ ბოლო დროს ფლანგიდან ჩაწოდებაც უჭირთ რასაც ვხედავ რაც ელემენტარულია და ყველაზე ჩამორჩელილ ნაკრებებშიც კი არ არი პრობლემური კომპონენტი . სხვა კომპონენტებშიც არ ვპრწყინვთ თუ ერთი ორი ფინტის და პატარა დრიბლინგის უნარებს არ ჩავთვლით მაგრამ ეს არ მოგვცმს შედეგს იმიტომ რომ ამ დრიბლინგსც უადგილო ადგილებში მიმართავენ და საბოოლოდ ისეთ ადგილებში კარგავენბურთს რომ აქით იქმნიან სახიფათო მდგომარეობს, საკუთარ საჯარიმოსთან და ენტრში კაცზე წასვლა და მოტყუება როცა პრაქტიკულად სენი გუნდი აწეულია და თითქმის ბოლო კაცი ხარ რულეტკაა და სეიძლება დაისაჯო, ამას კიჩვენები ხშირად აკეთებენ მოტყუებას მოწინააღმდეგის საჯარიმოსთან უნა მიმართო და მაშინ როცა გაზღვევენ და არა მაშინ როცა მთელი გუნდი მოწინნაღმდეგის საჯარიმოშია ამ დროს უბრალოდ ნორმალური ჩაწოდებაა საჭირო ყოველგვარი ზედმეტი ფანტაზიების გარეშე, მოკლეთ ელემენტარული საფეხბურთო განათლება აკლიათ ჩვენს ბიჭებს სხვა ყველა მინუსთან ერად.

23:39 | 12.06.2017
maradona73biankoneri (12146)

2 საყრდენით რომელთაგანაც არცერთმა პასი არ იცის თამაში ხარაკირის ტოლფასია. თან ამას დავუმატოთ რომ გუნდში გყავს ლობჟანიძე და დვალიშვილი რომელთა საფეხბურთო ტექნიკა და IQ მინუსბეშია მგონი.

23:36 | 12.06.2017
maradona73biankoneri (12146)

3 მცველიან ტაქტიკას იუვენტუსი ვეღარ თამაშობს კარგად (დაუბერდა მცველები). ჰოდა რაღა ვაისმა მოინდომა, მითუმეტეს ეხლა ლობჟანიძე მყავდეს ლატერალი კაი პადაჩით და გარღვევებით, ტყვილად დარბოდა ფლანზე.

ვაისის ბრალიცაა აბა რა. დაეყენებინა 4 მცველი, 3 საყრდენი მთ შორის 1 აუვილებდლად კვეკვესკირი და დანარჩენი რაც უნდა ის ექნა.

23:33 | 12.06.2017
saqme (1987)

http://live.shwidget.com/static/freeplayer/47754608934860.html 21 წლამდელების

21:24 | 12.06.2017
berodaviti (3686)

ამ 21 წლამდე ინფო რატომ არ იდება ?

სადმე არის ძმებო, დღეს მონტენეგროს ეთამაშებიან

20:09 | 12.06.2017
vuchinich (82)

აქ რა სათქმელია და ლორია ისეა ჩაყუჩებული მგონი რუსეთის პირველ ლიგაში აპირეს კარიერის გაგრძელებას. თუ კრილიააში დარჩება აღარ უნდა დაუძახონ ნაკრებში

20:06 | 12.06.2017
vuchinich (82)

დვალიშვილი , ლობჟანიძე, დაუშვილი, არარიან ნაკრების დონის. ვფიქრობ არუნდა იძახებდნენ ამათ ნაკრებში.

19:47 | 12.06.2017
arturi-baierni (24316)

ვაისი არის იმის მიზეზი რაც პირველ ტაიმში ხდებოდა და შემდეგ ფეხბურთელების უბრალოდ ძალზედ უცნაური გადაწყვეტილება მიიღო ყველა თამაში რაც ნაკრებს ათამაშა შეტევას ითხოვდა ბურთის დაჭერას და კომბინირებულ ფეხბურთს მაგრამ უცებ გადმოეწყო დაცვაზე და ისედაც არეული გუნდი საერთოდ არია 7-8 მცველით გამოდიხარ და რატომ დავუშვით ამდენი შეცდომაო რატომ და ბურთს როცა წინ ასაერთოდ ვერ იჭერ ვერ უტევ მცდელობაც კი არ გაქ ამ დროს მარტი გამოსაცნობია თუ რა მოხდება მეტოქე პრესინგით ბურთს ადვილად დაიბრუნებს და ყოველი მეორე შეტევა სახიფათო იქნება ან სახიფათო ჯარიმით დასრულდება რასაც გოლი მოყვება ერთი სიტყვით ვაისმა პირველი ტაიმი ტაქტიკურად მაგრად ყლაპა და ეს მეორე ნახევარში თავად ატლიკა თუ მანდამაინც ყრუ დაცვა და ყრუ საყრდენი ზონა უნდოდა რაღა ჯაბა-დაუ დააყენა რომლებსაც ბურთის დაჭერა არ შეუძლიან კვეკვე ან გვილია დაეყენებია ერთ ერთი და საერთოდ ეს გვილია თუ არ გამოიყენებოდა რაღას იზახებდა ან ამ დვალიშვილის რა მოწონს ვერ გავიგე ნუთუ ყაზახეთში დადის და თამაშებს უყურებს თუ რა სიმპათია გააჩნია .....არ გვყავს კარგი ფეხბურთელები მაგრამ ვინც გვყავს სათანადო გამოყენება უნდა ვაისიც არაა ცუდი მწვრთნელი მაგრამ მოდის მიქარვები მერე კი გამოსწორებას ხან საქმით ხან სიტყვით ცდილობს .....ქეცბაის ნაკრები ვნახე პირველ ტაიმში და ამაში მთავარი დამნაშავე ვაისია და მერე ფეხბურთელები

18:03 | 12.06.2017
besika (32)

არ ვართ რა ჩვენ ქართველები ჟილკიანი ხალხი, ეს კობიაშვილი და მუჯირი უნდა გაიტანო ფედერაციიდან თავიანთ მწვრთნელიანად, და ახალი საფეხბურთო ფედერაციის ხელმძღვანელობა უახლოეს პერიოდში თუ არ დადებდა ბევრად უკეთეს შედეგს მე არ ვიყო მერე კაცი, ეს რომ გაგვეკეთებინა. თან რა კარგი პრეცედენტი, გაკვეთილი იქნებოდა ახალი ფედერაციისთვის. ჩვენ აქ გულზე ვსკდებით ნერვულობით, თვითონ კი კაიფობენ და გულაობენ და ვინ თხოვთ პასუხს?

17:26 | 12.06.2017
BEERTRANCE (92639)

აბა ჩემი ბრალია ამათი მთხლებურთელობა DDDDDDDDDDDDDDDDDDDDDDDDDDDD

16:32 | 12.06.2017
cameleoni (202)

ვაისის ნაკრებმა ევროპის შესარჩევში ყველა გუნდზე მეტჯერ მოარტყეს ბურთი ძელს და ხარიხას. მართლა ბევრჯერ არ გაგვიმართლა ამ შესარჩევში. ნუ რა ფეხბურთელებიც გვყავს ის შედეგია, ვაისი რომ ნორმალური მწვრთნელია საკუთარი ქვეყნის ნაკრებში დაამტკიცა

16:37 | 12.06.2017
ლილუ, ცოტა ნაზად... ( KORBEN ) (6564)

შენს კომენტარებს ვკითხულობ ხოლმე და შეგიძლია იგივე გვარდიოლას შესახებაც თქვა ?
ანუ, ბარსაში დაამტკიცა რომ გენიალური მწვრთნელიაო და ბავარიაში კვერცები რომ არიან, რა მაგის ბრალიაო DDDDDDDDD

09:09 | 13.06.2017
cameleoni (202)

ბარსელონას და საქართველოს ნაკრების ფეხბურთელებს შორის იმხელა განსხვავებაა უბრალოდ შეუძლებელია რაიმე ასპექტში შედარება. გვარდიოლას შემდეგ თითქმის იგივე შედეგი ლუის ენრიკემაც დადო. ვაისზე უკეთესი შედეგი 90_იანი წლების შემდეგ ვინმეს ქონია??? ამდენი შეტევა, დარტყმა, ხარიხა, ძელი და ასე შემდეგ...

10:52 | 13.06.2017
ლილუ, ცოტა ნაზად... ( KORBEN ) (6564)

მოგება გამოგრჩა, მოგება DDDDDDD თუ ეგ არც ისე მნიშვნელოვანია ?

17:35 | 13.06.2017
dinamo_tiflis (3342)

ეგ ვაფშე რა არის?

15:24 | 12.06.2017
shalva (2440)

ერთადერთი ფეხბურთელი რომელიც ნაკრებში სათამაშოდ მუდმივად არის ფიზიკურად მზად, არის ნავალოვსკი და ეტყობა რომ პროფესიონალურად უდგება ნაკრებში თამაშს, მთავარია მერე არ გვაგინოს გულშემატკივრებს

15:23 | 12.06.2017
kelbo (6690)

და კვერკველიას ბრალი პირველი გოლი არ იყო არანაირად...
მეორეზე შეცდა ნამდვილად ვერ დააზღვია წესიერად თავისიანები... ეტყობა არ ელოდა მოლდოველი თუ ორ კაცში გაძვრებოდა მარა საკმაოდ დიდი ხანია საქართველოს ნაკრებში თამაშობს და უნდა იცოდეს უკვე რო მასეთ რამეებს წარამარა უნდა ელოდოს...
პირველი გოლი ლობჟანიძის სინდისზეა, ჩარჩა თამაშგარეში და 4 მოლდაველი აღმოჩნდა ერთდროულად ცარიელში თამაშის წესების სრული დაცვით

15:22 | 12.06.2017
shalva (2440)

ვაისის ბოლო 8 შეხვედრიდან, ნაკრებმა მოიგო 2 თამაში ფრედ ითამაშა 4 და წააგო 2, აქიდან სენტ კისსთან მოგება და იორდანიასთან წაგება რომ არ მივიღოთ მხედველობაში არაა ცუდი ჩვენი უკლასა ფეხბურთელების ფონზე.

15:20 | 12.06.2017
kelbo (6690)

ხო ყაზაიშვილს უწერეთ 6.5 და ისევ მასე გააგრძელებს თამაშს...
კი გოლი გაიტანა ბაზარი არაა, მარა სხვა მხრივ აბსოლუტური ნოლი იყო... დაჟე მინუსიც

15:12 | 12.06.2017
kelbo (6690)

არაფერი შეცდომა არ დაუშვია მწვრთნელს
ჩამოვიდა უყურა ჩვენების ცოდვილობას ერთი პერიოდი, მიხვდა ამგენს მარტო ერთი ტაიმის თამაში შეუძლიათ მეტის შნო და გამძლეობა არ ყოფნითო...
ხოდა ათამაშებს მარტო მეორე ტაიმებს... და პირველ ტაიმში ცდილობს გოლგაუშვებლად გაძლოს ძალების დაზოგვით
ერთადერთი სწორი ტაქტიკაა რითაც შეიძლება ამ ნაკრებმა ითამაშოს... თუნდაც სენ კიტსთან და მოლდოვასთან

15:19 | 12.06.2017
kelbo (6690)

ვაფშე არაბიძეც მეორე ტაიმში უნდა შემოეშვა და შეიძლებოდა ერთი 4-2 მოგვეგო ასე

15:34 | 12.06.2017
ლილუ, ცოტა ნაზად... ( KORBEN ) (6564)

ჰოდა მეც მაგას ვამბობ. რაღა იმ თამაშში ჩააფლავა ეგ მეორე ტაიმი, სადაც მოგებას ყველა ველოდით და უნდა მოგვეგო კიდეც პირველი ტაიმიდან გამომდინარე .
თბილისში თამაშს ვგულისხმობ, მოლდოვასთან.

13:27 | 12.06.2017
ლილუ, ცოტა ნაზად... ( KORBEN ) (6564)

აბა ნახეთ, რომელმა სამმა ფეხბურთელმა მიიღო ყველაზე დაბალი შეფასება ? სამმა უფანტაზიო კუნძმა, რომელთა გამოძახება უკვე სასაცილოდ არ ყოფნის გულშემატკივარს.
დვალიშვილი-ლობჟანიძის დუეტი ხო უკვე ჭიჭიკია-ბიჭიკიას ანეკდოტებზე უფრო სასაცილო გახდა. ეს დაუშვილიც, რა ვიცი რა... ეგეთი სტილის მგონი კაპიტანიც გვეყოფა, მეორე ზედმეტია DDDDDDDDD
მოკლედ, სუსტ მოლდოვას ვერც ერთი ვერ მოვუგეთ. ავსტრია-ირლანდია-უელსი-სერბეთთან მხოლოდ ქულა ავიღეთ. ცუდი შედეგია ნაღდად !!!
იმ ამხანაგურის მოგებამ ესპანეთთან ფაქტიურად დათვური სამსახური გაგვიწია. როგორც მოსალოდნელი იყო, არაფრის კარგის მანიშნებელი ეგ არ გამოდგა. უბრალოდ ჩვენი ფედერაციის პატივცემული გვამები თუ მოიწონებენ ხანდახან თავს.

14:13 | 12.06.2017
BEERTRANCE (92639)

ჰოდა თუ ღადაობაა ღადაობა იყოს და გელაშვილიც გამოიძახოს DDDDDDDDDDDDDDDDDDDDDDD

13:13 | 12.06.2017
rigeli (808)

ლობჟანიძე---კაშია---ნავალოვსკი---კანკავა---დვალიშვილი---ვაისი---სანაკრებო ხალხი არ არის

სარეკლამო ადგილი - 4
250 x 250
სარეკლამო ადგილი - 9
250 x 250
სარეკლამო ადგილი - 22
250 x 250
0.156753