გორის "დილას" ბრაზილიელამა ნახევარმცველმა ჟან დერეტიმ შაბათს, "კოლხეთთან" მატჩის დროს გონება დაკარგა. 29-ე წუთი იყო - სათამაშო სიტუაციის დროს, თავით დაეცა მინდორზე.
"დილას" პრესსამსახურმა ამ ფაქტის შესახებ განცხადება გააკეთა.
"დერეტის ტრავმასთან დაკავშირებით მაღალი საზოგადოებრივი ინტერესის გათვალისწინებით, გაცნობებთ: ფეხბურთელი ამჟამად თავს კარგად გრძნობს, უტარდება ყველა საჭირო სამედიცინო გამოკვლევა. დამატებით ინფორმაციას გამოკვლევის საბოლოო პასუხის მიღების შემდეგ მოგაწვდით".