გაიმართა ეროვნული ლიგა 2-ის მე-15 ტურის ორი მატჩი. "გაგრამ" გიორგი ქურდაძის გოლით 1:0 იმარჯვა წყალტუბოს "სამგურალთან". ცხრილიდან გამომდინარე, ძალიან მნიშვნელოვანი თამაში იყო. "გაგრა" მეორე ადგილზე გადავიდა, თუმცა მის მდევრებს ამ ტურში ჯერ სათამაშო აქვთ.

"გურია" და "ცხინვალი" ფრეზე გაიყარნენ - 1:1. გუნდები, შესაბამისად, მერვე-მეშვიდე ადგილებზე არიან. დიდი ალბათობით, სეზონს ცხრილის ქვედა ნაწილში დაასრულებენ. სეზონში მე-11 გოლი გაიტანა "ცხინვალის" ფორვარდმა თამაზ მაქაცარიამ, ხოლო ლანჩხუთელთაგან გამოცდილმა ალექსი ბენაშვილმა გამოიჩინა თავი.

გურია (ლანჩხუთი) - ცხინვალი 1:1

გოლები: 0:1 მაქაცარია (32), 1:1 ბენაშვილი (50)

სამგურალი (წყალტუბო) - გაგრა 0:1

გოლი: 0:1 გ.ქურდაძე (47)

28 მაისს გაიმართება ტურის სამი მატჩი და სამივე 17:00 საათზე დაიწყება: ზუგდიდი - მეშახტე (ტყიბული), რუსთავი - მერანი (მარტვილი), ვიტ ჯორჯია (თბილისი) - სიონი (ბოლნისი)

1.	მერანი	14	+21	33
2.	გაგრა	15	+13	30
3.	რუსთავი	14	+14	29
4.	სიონი	14	+7	28
5.	სამგურალი	15	+1	25
6.	ვიტ ჯორჯია	14	+3	21
7.	ცხინვალი	15	-8	14
8.	გურია	15	-13	12
9.	მეშახტე	14	-16	11
10.	ზუგდიდი	14	-22	2