ნაკლებად თუ ელოდა ვინმე ასეთ ანგარიშს. 5:0 - თბილისის "ლოკომოტივმა" საჩხერის "ჩიხურა" გაანადგურა და სადღეისოდ ჩემპიონატის ლიდერია, ბურთების შეფარდებით უსწრებს თბილისის "დინამოს", რომელსაც ქუთაისის "ტორპედოსთან" ელის გასვლითი მატჩი.
გიორგი დევდარიანის გუნდმა ამ სეზონში უკვე მესამედ მოიგო 5:0. ასე იყო "შუქურასთან" და "კოლხეთთან", თუმცა საჩხერელებთან ასეთი ანგარიშით გამარჯვება უფრო შთამბეჭდავია.
გოლებს რაც შეეხება. მე-14 წუთზე დავით სამურკასოვმა გრძელი პასი გააკეთა გიორგი დიასამიძისკენ, მან კი მკერდით, ერთ შეხებაში მოძებნა ირაკლი სიხარულიძე და ჩემპიონატის საუკეთესო ბომბარდირმა მეკარესთან პირისპირ გასვლისას ზუსტად დაარტყა - 1:0.
შემდეგ, 71-ე წუთამდე გოლი არ გასულა, ბოლოს კი ცუდად წაუვიდათ საქმე საჩხერელებს. "ლოკოს" კაპიტანმა დავით უბილავამ შორიდან დაარტყა, ბურთი გიორგი განუგრავას მოხვდა, მიმართულება იცვალა და 2:0.
მალევე, ვატო არველაძემ გააყოლა ბურთი მამია გავაშელიშვილს, რომელმაც პირველი ცდიდან ვერ აჯობა მეკარე დინო ჰამზიჩს, მაგრამ ბოლომდე იბრძოლა და მაინც მოახერხა გატანა - 3:0.
ისევ გავაშელიშვილი. შეცვლაზე შესულმა მამიამ სამ წუთში დუბლი მიითვალა. მარცხნიდან შევიდა საჯარიმოში, ბაქარ მირცხულავას გასცდა და ახლო კუთხეში დაურტყა ჰამზიჩს - 4:0.
ბოლოს უკვე მოშლილი იყო სტუმართა დაცვა, "ლოკოს" ფეხბურთელებმა ნება-ნება ათამაშეს ბურთი, ბოლოს გავაშელიშვილმა გაუკეთა პასი სიხარულიძეს და მანაც ცაციით შეაგდო - 5:0.
სიხარულიძეს უკვე 10 გოლი აქვს აქტივში და ბომბარდირთა სიაში პირველია. გავაშელიშვილს კი 8 ბურთი აქვს გატანილი. გიორგი დევდარიანის გუნდი ამ ტურამდეც ყველაზე შედეგიანი იყო ჩემპიონატში. ახლა უკვე 23 გოლი მოუგროვდათ.
ლოკომოტივი - ჩიხურა 5:0 (1:0)
ლოკომოტივი: თევდორაძე, ღონღაძე, ხიდეშელი, რეხვიაშვილი, უბილავა, სამურკასოვი, კიკნაძე (გავაშელიშვილი 65), ჭანტურია, დიასამიძე (არველაძე 72), კომახიძე (თომაშვილი 80), სიხარულიძე
მწვრთნელი: გიორგი დევდარიანი
ჩიხურა: ჰამზიჩი, კაშია, კაკუბავა, მირცხულავა, ჩიკვაიძე (ჩიკვაიძე 69), განუგრავა, კორიფაძე, ივანიშვილი (დეკანოიძე 73), სარდალიშვილი, ლექვთაძე, ტატანაშვილი
მწვრთნელი: სოსო ფრუიძე
გოლები: 1:0 სიხარულიძე (14), 2:0 უბილავა (71), 3:0 გავაშელიშვილი (75), 4:0 გავაშელიშვილი (77), 5:0 სიხარულიძე (85)
გაფრთხილება: ჭანტურია, ხიდეშელი - ლექვთაძე, კაკუბავა
გაძევება: გელაშვილი (43, სათადარიგოთა სკამზე)
მსაჯი: ნინუა
ტურის სხვა მატჩების განრიგი:
29 აპრილი
20:00. თბილისი. მიხეილ მესხი. საბურთალო - შუქურა
30 აპრილი
13:30. ქობულეთი. ჩელე არენა. კოლხეთი - დინამო ბთ
15:30. გორი. თენგიზ ბურჯანაძე. დილა - სამტრედია
17:30. ქუთაისი. რამაზ შენგელია. ტორპედო - დინამო თბ
1. | ლოკომოტივი | 9 | 5 | 3 | 1 | 23 | 7 | +16 | 18 | დბთ |
2. | დინამო თბ | 8 | 6 | 0 | 2 | 14 | 4 | +10 | 18 | ტორ |
3. | ტორპედო | 8 | 4 | 3 | 1 | 12 | 7 | +5 | 15 | დთბ |
4. | ჩიხურა | 9 | 4 | 1 | 4 | 11 | 13 | -2 | 13 | დილ |
5. | საბურთალო | 8 | 4 | 0 | 4 | 8 | 10 | -2 | 12 | შუქ |
6. | სამტრედია | 8 | 3 | 2 | 3 | 6 | 8 | -2 | 11 | დილ |
7. | დინამო ბთ | 8 | 3 | 0 | 5 | 6 | 9 | -3 | 9 | კოლ |
8. | დილა | 8 | 1 | 5 | 2 | 7 | 8 | -1 | 8 | სამ |
9. | კოლხეთი 1913 | 8 | 2 | 1 | 5 | 11 | 16 | -5 | 7 | დბთ |
10. | შუქურა | 8 | 0 | 3 | 5 | 5 | 21 | -16 | 3 | საბ |
ბომბარდირები
სიხარულიძე (ლოკომოტივი) - 10, მამია გავაშელიშვილი (ლოკომოტივი) - 8, კოვტალიუკი (კოლხეთი), არაბული (დინამო თბ) - 5