20 აპრილს, სპორტისა და ახალგაზრდობის საქმეთა მინისტრმა ტარიელ ხეჩიკაშვილმა სამინისტროში უმასპინძლა ევროპის სუმოს ფედერაციის პრეზიდენტს დარიუშ როზუმს და გენერალურ მდივანს რიხო რანიკმას. შეხვედრას ესწრებოდა მინისტრის მოადგილე შალვა გოგოლაძე, სპორტის პოლიტიკისა და მართვის დეპარტამენტის უფროსი ირაკლი დოლაბერიძე და საქართველოს სუმოს კავშირის პრეზიდენტი თენგიზ რუხაძე.
მხარეებმა ისაუბრებს თბილისში 22-23 აპრილს გასამართ ევროპის ჩემპიონატზე, რომელშიც მონაწილეობას მიიღებს 13 ქვეყნის 290 სპორტსმენი. ევროპირველობა 21/23-წლამდელებში და უფროსებში, ვაჟთა და ქალთა შორის გაიმართება. ევროპის ჩემპიონატი Check in Georgia-ს ფარგლებში ჩატარდება. ასევე, სტუმრებმა მოინახულეს ქართული სპორტის მუზეუმი, სადაც დაცულია ქართველი სუმოისტების მიერ სხვადასხვა საერთაშორისო ტურნირებზე მოპოვებული მედლები და თასები.
ევროპის ჩემპიონატს დიღომში მდებარე ძიუდოს აკადემია (ბელიაშვილის #5) უმასპინძლებს. ტურნირის პირველ საშეჯიბრო დღეს ჩემპიონ-პრიზიორებს 21 და 23-წლამდელები გამოავლენენ. წინასწარი შეხვედრები დილის 09:00 საათიდან დაიწყება, 14:00 საათზე შედგება ჩემპიონატის ოფიციალური გახსნის ცერემონია, ხოლო 15:00 საათიდან ფინალური ბლოკის შეხვედრები.
23 აპრილს მედლებისთვის უფროსები იბრძოლებენ. ჩემპიონატის დასკვნით დღეს ჩატარდება გუნდური შეჯიბრებაც, რომელიც როგორც ვაჟთა, ასევე ქალთა შორის გაიმართება. წინასწარი შეხვედრები 10:00 საათიდან დაიწყება, 15:30 საათიდან ფინალები, ხოლო 16:00 საათიდან გუნდური შეჯიბრია ჩანიშნული. საქართველო თბილისურ ევროპირველობაზე 14 სპორტსმენით წარდგება. აღსანიშნავია, რომ საქართველოს ეროვნულ და ასაკობრივ ნაკრებებს, ამ დრომდე მსოფლიოს და ევროპის ჩემპიონატებზე მოპოვებული აქვთ სამივე სინჯის 156 მედალი.
22-23 აპრილი. ძიუდოს აკადემია (ბელიაშვილის #5). ევროპის ჩემპიონატი სუმოში. უფროსები, 23 და 21-წლამდელები.
საქართველოს ეროვნული ნაკრები
გიორგი მათიაშვილი (70 კგ)
გიორგი ნაცვლიშვილი (100 კგ)
ლაშა მეშვილდიშვილი (115 კგ)
გიორგი მეშვილდიშვილი (115 კგ)
ავთანდილ ცერცვაძე (+115 კგ)
ლაშა ჯელაძე (+115 კგ)
ავთანდილ ცერცვაძე (აბსოლუტური)
ლაშა ჯელაძე (აბსოლუტური)
გუნდური
1. ავთანდილ ცერცვაძე
2. გიორგი მეშვილდიშვილი
3. ლაშა ჯელაძე
4. ლაშა მეშვილდიშვილი
საქართველოს 23-წლამდელთა ნაკრები
გიორგი მათიაშვილი (70 კგ)
ლევან ლომთაძე (85 კგ)
ირაკლი ჩაჩუა (100 კგ)
თედო ცოცინაშვილი (100 კგ)
შამილ გოგოჭური (115 კგ)
ნიკოლოზ სისვაძე (115 კგ)
ზურაბ აქუბარდია (+115 კგ)
გიგა გელაშვილი (+115 კგ)
ზურაბ აქუბარდია (აბსოლუტური)
გიგა გელაშვილი (აბსოლუტური)
გუნდური
1. ზურაბ აქუბარდია
2. გიგა გელაშვილი
3. ლაშა ჯელაძე
4. გიორგი ფარადაშვილი
საქართველოს 21-წლამდელთა ნაკრები
ლევან ლომთაძე (85 კგ)
ირაკლი ჩაჩუა (100 კგ)
თედო ცოცინაშვილი (100 კგ)
შამილ გოგოჭური (115 კგ)
ნიკოლოზ სისვაძე (115 კგ)
ლაშა ჯელაძე (+115 კგ)
გიორგი ფარადაშვილი (+115 კგ)
ლაშა ჯელაძე (აბსოლუტური)
გიორგი ფარადაშვილი (აბსოლუტური)
გუნდური
1. შამილ გოგოჭური
2. ნიკოლოზ სისვაძე
3. ლაშა ჯელაძე
4. გიორგი ფარადაშვილი
სპორტისა და ახალგაზრდობის საქმეთა სამინისტროს პრესსამსახური
